Бөлексаздағы наразылық

Алматы облысы Кеген ауданы Бөлексаз ауылының 200-ге жуық тұрғыны бүгін наразылыққа шықты. Бөлексаздықтар ауылға жапсарлас салынған мал бордақылайтын қожалық тынысымызды тарылтып, ауамызды ластап отыр дейді. Айтуларынша өлген малды қожалықтағылар қимен жасырып, ауыл іргесіне апарып көме берген. Жиналған өлексенің иісі бүкіл ауылды алып кетеді дейді тұрғындар. Ал талабын айтқан халықтың алдына келген қожалық басшысы мен аудан әкімі бұл жағдайға мүлде басқаша баға берді.
Бас көтерген бөлексаздықтар бордақыдан шыққан ауру тарап, тұтас ауылға зияны тие ме деп қорқады. Өйткені 2 қаңтардан бастап бұл қожалықта ірі-қара жаппай қырыла бастапты.
Өлікті сол маңдағы шұңқырға көмгенімен жағымсыз иіс қолқаны алып ауыл азаматтарын әбден әбігерге салған. Иісті жасырмақ болған олар өлексені қи астына көміп жасырмақ болыпты. Болмағасын ауыл шетіне апарып төккен. Ауыл азаматтарын алаңдататын тағы бір мәселе ауылдың шетіне әкеліп төккен өлексені ит құс ауылға әкеліп тарата ма деп қорқады. Ал өлген малды әкеліп көметін арнайы орын толып кеткелі қашан дейді.
Жиналған жұрттың алдына аудан әкімі мен қожалық басшысы кешігіп келгенімен, ақталуды ерте бастап кетті. Айтуларынша бұл мәселені қазір шешуге тырысып жатыр.Ал бұл ауылға инвестиция салып, жұмыс бердім деген шаруа басшысы мемелекет вакцина бермегесін малым қырылып жатыр дейді. Ол осы уақытқа дейін вакцинаны өз қалтасынан төлеп келгенін айтады. Сондай-ақ басшының ойынша малдың иісі бұл ауылда бұған дейін де болған. Сондықтан халықтың ойымен келіспейді.
Санақ кезінде қожалық 1469 бас ірі қара бар деп тізімдетіпті. Алайда 19 қаңтарда вакцинация кезінде мал басының жетіспегені анықталды дейді облыстық ветеринария маманы. Өйткені 120 бас ірі қараны тексерістен тыс қалаға алып кетуі мүмкін деген болжам барын айтады.
ӘЛІБЕК ШЫНТЕМІР, тілші:
– Жағымсыз иіс жайлап бітті деген ауыл тұрғындары талабымыз тыңдалмай келгелі 5 жыл болды деп отыр. Ал бүгінгі жиында мәселені біржақты етеміз деген аудан әкімі тұрғындар ішінен коммисия құрып азаматтар жағдайды өздері бақылай алатынын айтты.
Әлібек Шынтемір, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Бөлексаз #наразылық

Видео Бөлексаздағы наразылық канала Информбюро 31