Семей қаласын көпбалалы әкім басқаратын болды

Семей қаласын көпбалалы әкім басқаратын болды. Бүгін ғана тағайындалған жаңа әкім Нұрымбет Сақтағанов жеті баланың әкесі. Сақтағанов Семей қаласының басшысы болады деген «әңгіме» өткен аптадан бері әлеуметтік желіде қызу талқыға түскен еді. Ақыры желідегі жорамал шынға айналды. Жаңа әкімнің кандидатурасын Семейдің «маска тақпайтын» депутаттары көпшілік дауыспен қолдап, аймақ басшысы Даниал Ахметов әкімді қала активіне таныстырды.
Осы уақытқа дейін Шығыстағы Ұлан ауданында әкім болып келген Нұрымбет Сақтағанов Оңтүстік Қазақстан облысында дүниеге келен. Еңбек жолын мұғалімдіктен бастаған ол кеден, көші-қон комитеттерінде басшылық еткен. Сақтағанов Президент Әкімшілігінің мемлекеттік инспекторы, Шығыс Қазақстанда облыс әкімінің орынбасары қызметтерін атқарыпты. Ал соңғы бес жарым жыл Семейді басқарған Ермак Сәлімов облыс әкімінің тұрғын үй-құрылыс мәселелері жөніндегі кеңесшісі болмақ.
НҰРЫМБЕТ САҚТАҒАНОВ, Семей қаласының әкім:
– Семей қаласы бүкіл Қазақстан интеллигенциясының, зиялы қауым өкілдерінің тірек қазығы деп айтамыз. Сондықтан да осы қаланы әрмен қарай, жан-жақты дамыту жолында барлық күш-жігерімізді, білімімізді салып, жұмыс жасаймыз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Семей #Нұрымбет_Сақтағанов

Видео Семей қаласын көпбалалы әкім басқаратын болды канала Информбюро 31