OMON-ÇULAR ƏFV İSTƏYİR

Vəkil Elçin Sadıqov çərşənbə axşamı RATİ-nin Media Mərkəzində ömürlük
həbs olunmuş Xüsusi Təyinatlı Polis Dəstəsi (XTPD) üzvləri Elçin
Əmiraslanov, Səfa Poladov və Arif Kazımovun işi ilə bağlı mətbuat
konfransı keçirib.
Bu ilin martında vəkil əvf komissiyasına onların azad edilməsi
haqqında xahiş göndərib. Bunun ardınca, apreldə hər üç məhkum əvf
haqqında xahiş yazıb. Lakin hələlik heç bir nəticə yoxdur. Amma vəkil
müvəkkillərinin əvf olunacağına ümid etdiyini bildirib. O, həmçinin
qeyd edib ki, Elçin Əmiraslanov, Arif Kazımov və Səfa Poladov ölkə
prezidentinə müraciət göndərib. Vəkil qeyd edib ki, hər üç ömürlük
məhbusun işləri Avropa Məhkəməsinə göndərilib və bu ilin yanvarında
işlər qəbul edilib.
"Müvəkkillərim 17 ildir ki, həbsdədirlər, onlar hər-hansı ictimai
təhlükə yaratmır. Hər üçü diabet xəstəsidir, hər biri həbsdə bir neçə
əməliyyat keçirib. Əmiraslanov həm də epilepsiya xəstəsidir və çox
vaxt müalicə müəssisəsində olur. Mətbuat konfransı keçirməkdə məqsəd
mətbuat vasitəsilə hər üç ömürlük məhbusun azad edilməs xahişi ilə
açıq müraciət etməkdir", deyə Elçin Sadıqov bildirib.
Məsələnin tarixinə qayıdan vəkil xatırladıb ki, keçmiş Xüsusi
Təyinatlı Polis Dəstəsinin üzvləri 1996-cı ilin dekabrında ölüm
cəzasına məhkum ediliblər. 1998-ci ildə Azərbaycanda ölüm cəzası ləğv
edilib. 2004-cü ildə Apellyasiya Məhkəməsinə şikayət verilib. Şikayətə
baxılaraq ömürlük həbs qərarı çıxarılıb.
Elçin Əmiraslanov Qazax XTPD-nin komandiri, Arif Kazımov və Səfa
Poladov bu qurumun üzvləri olub. Hər üçün CM-in bir neçə maddəsi üzrə,
o cümlədən Vətənə xəyanətdə, qanunsuz silahlı birləşmələrdə iştirak
etməkdə, qətlə cəhddə və s. ittiham olunur.

Видео OMON-ÇULAR ƏFV İSTƏYİR канала Obyektiv TV