Қосановша «Нұр-Отан» партиясын бірінші болып құттықтаған кімдер?

Бүгін Орталық сайлау комиссиясының қорытындысын ел де, сайлауға қатысқан бес партия да күтті. Өйткені, түнде жарияланған экзитполдың қорытындысын бірнеше партия өкілі мойындамайтынын айтқан еді. Бір жарым ай бойы көпшілікті өздеріне сендіріп келген олар енді қандай әрекетке бармақ? "Ауыл" партиясы өкілдерімен де, "Адал" партиясымен де сөйлестік. Екі партияның да бұл нәтижеге қатысты өз пікірі бар. Дегенмен, "Ауыл" атынан депутаттыққа ұсынылған, насихат роликтерінде ту ұстап атқа мініп жүрген азаматтар жеңіліс сезбедік деп отыр.
ДӘУЛЕТКЕРЕЙ КӘПҰЛЫ, "Ауыл" партиясының мүшесі:
– Саясаттың екіжүзділігіне жүрегімді жылатып тұрған адаммын атқа мініп, қарсы шығып дауысымызды даулаймыз деп бүкіл партияның атынан айта алмаймын. Дәл өз басым ешқандай жеңіліс сезінбедім мен қара халықтың сенімімен ойнауға болмайды ғой! Дәл осындай табалдырықтан өтпей қалу деген дүние ауыл халқы үшін де үлкен соққы деп ойлаймын мен.
Ал, "Адал" партиясы бүгін арнайы баспасөз мәслихатын өткізгенін білеміз. Ол партияның пікірі қандай? Серік Сұлтанғали "біз жас партиямыз, жұмысымыз енді қызады" деп отыр. Ал, депутаттыққа үміткер Мақсат Толықбай мен Дәулет Мұқаевтың сайлау қорытындысына наразы жазбаларына қатысты "ол өздерінің жеке пікірі" деді.
СЕРІК СҰЛТАНҒАЛИ, «Адал» партиясының төрағасы:
– Ол өзінің пікірін айтты. Оған енді акцент жасап жаңағы шұқуға болмайды, әр адамның өзінің жаңағы несі. Енді мен қазір қалай айтамын? Қолдаймын, қолдамаймын деп, біз сайлауды ұмыттық, жұмыс бастадық.
Кеше түнгі он екіде экзитпол қорытындысы шықты. Ол соңғы қорытынды емес. Сонда да партия төрағалары құттықтау айтты ғой? Иә, партиялардың бәрі экзитпол нәтижесін тағатсыздана күтіп отырды. Тіпті партияның белді мүшелері оны бірге отырып та көрді. Өйткені, біздегі экзитпол мен сайлау комиссиясының нәтижесі көбіне өте жақын боп шығады. Шетелдік тәжірибелерге қарай ма, әлде өз ұстанымдары сондай ма, шынымен-ақ түнде экзитполдың қорытындысы шыққан бетте Қосанов сияқты жеңімпазды құттықтаулар басталып кетті.
АЗАТ ПЕРУАШЕВ, «Ақ жол» партиясының төрағасы:
– Барша осы Ақжол партиясына дауыс берген сайлаушыларымызға алғысымызды білдіргім келеді және де біздің әріптестерміз саяси партия көсемдері әрине тұңғыш президентімізді Нұрсұлтан Назарбаевты құттықтағым келеді партияның сәтті өткенімен.
СЕРІК СҰЛТАНҒАЛИ, «Адал» партиясының төрағасы:

– Нұр Отан партиясы бірінші орында келе жатыр. Заң бойынша барьерден асып кетті. Мен өз басымнан Нұр Отан партиясын құттықтауыма болады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Қосановша «Нұр-Отан» партиясын бірінші болып құттықтаған кімдер? канала Информбюро 31