Депутаттық креслоға кімдер жайғасады?

Сайлауда жеңіп шыққан үш партияның қайсысына қанша депутаттық орын бөлінгені белгілі болды. Бүгін Орталық сайлау комиссиясының түпкілікті қорытындысы жарияланды. Комиссия мәліметінше, "Нұр-Отан" тағы жеңген. Сөйтіп, Нұр Отан партиясына 76, Ақ жолға 12, ал Қазақстан халық партиясына 10 мандат бұйырды. Ал, депутаттық креслоға кімдер жайғасады? Айбар Төлжанұлы айтып берсін.
Парламентке кім баратынын Ақжол партиясы бірден анықтады. 12 депутаттың сегізі жаңадан сайланған. Қалған төртеуі, қазіргі мәжілістегі ақжолдықтар. Олардың ішінде партия төрағасы Азат Перуашев пен президенттік сайлауға түскен Дания Еспаева бар.
ҚАЗЫБЕК ИСА, "Ақжол" партиясының мүшесі:
– Бізге берген ресми дауыстың өзі де 12 орын, бұрынғы мандатқа қарағанда екі есеге жоғары. Бес мандат қосылып отыр. Бұл Ақжол партиясының алдыға жылжығаны, биікке өрлеп келе жатқаны.
Ал, Халық партиясынан әзірге кімдердің депутат болатыны белгісіз. Ал Нұр Отан партиясы тізімін кешке қарай жариялады. Тізімде қазіргі Мәжіліс төрағасы Нұрлан Нығматуллин, Дариға Назарбаева, 5-ші рет сайланып жатқан Бекболат Тілеухан, Айдос Сарым, Берік Әбдіғалиұлы мен Ерлан Саиров сияқты 76 азамат бар. Ассамблеядан сайланған 9 депутаттың кемінде бесеуі Нұр-Отанның мүшесі екен. Яғни, 76 плюс 5. Тіпті, Ассамблеяның қалған 4 депутаты да Нұр-Отанға қосылуы ғажап емес. Саясаткер Зәуреш Батталова Нұр-Отан Үкіметпен әлі де тығыз жұмыс істеуін жалғастырады дейді.
ЗӘУРЕШ БАТТАЛОВА, «Қазақстандағы парламентаризмді дамыту» қоғамдық қорының президенті:
– Билікпен нақты жұмыс жасап отырған партия. Бұлар Үкіметтің тарабынан шыға алмайтын партия болады. Нигматуллин қалуы мүмкін, бірақ төрт жыл болғандықтан оны өзгертеді деп ойлаймын.
Ал, саясаттанушы Санжар Боқаев онсыз да миллиардтар жұмсалатын депутаттарға қызметтік көлік пен пәтер беруіміз тым артық дейді.
САНЖАР БОҚАЕВ, саясаттанушы:
– Жалпы жылына депутат корпустарына 14-15 млрд кетеді. Сол ақшаны 1 депутаттың басына бөлетін болсақ 92 млн теңгедей шығады. Ол өте үлкен қаражат деп есептеймін. Мемлекет тарапынан салынған үйлері тура парламент жанында орналасқан. Олар жаяу ғана Мәңгілік елден өте салады. 5 минуттық жер. Оларға көліктің не қажет екені түсініксіз боп тұр.
АЙБАР ТӨЛЖАНҰЛЫ, тілші:
– Ал Қазақстан халық партиясы депутаттыққа кімдердің баратынын кешке дейін айтпады. Бірақ Прездиент Қасым-Жомарт Тоқаев 15 қаңтарда жаңа мәжілісмендермен ақылдасып, жаңа премьер-министр мен үкімет мүшелерін тағайындайтынын ескертті. Соған қарағанда партия көп созбауға тиіс.
Айбар Төлжанұлы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Депутаттық креслоға кімдер жайғасады? канала Информбюро 31