Талдықорған-Өскемен учаскесінде жол салған жұмысшылар маңдайақы ақшаларын ала алмай жүр

Алматыда жиырма бес миллион теңге қарызымызды алмадық деген жұмысшылар бүгін мердігер компанияның кеңсесіне басып кірді. Олар Талдықорған-Өскемен учаскесінде жол салған "Афина Палада" холдингі, сәуір мен қыркүйек айларындағы тиеслі еңбекақымызды төлемей отыр дейді. Жаздың ыстығы, қыстың суығында далада қонып жүк көлігін айдадық деген жүргізушілер, жұмыс беруші компанияның бос уәдесінен әбден жалыққандарын айтады.
Даулет Ахмадиев "Нұрлы жол" бағдарламасы бойынша салынып жатқан Алматы-Қалбатау учаскесінің 935-ші шақырымында жүк көлігімен құрылыс материалдарын тасыған. Сәуір айынан бері үйге ақша алып келмегесін бала-шағама да қадірім кетіп бітті деп отыр. Өзі секілді әлі 60 жалданбалы жұмысшының да отбасы әзер күнелтіп отырғанын айтады.
ТӨЛЕГЕН ЕСКЕРМЕСҰЛЫ, жүк көлігінің жүргізушісі:
– Олар алдап келді бізді. Аягөзден Астанаға кеттік, Астанадан ақша шешіп жатырмыз деді. Жаңа жылға дейін бізге гарантия берген.
Құрылысшылардың қолындағы құжатына сенсек, жұмысшыларға орындалған жұмыстың актісі мен табельге сәйкес 25 млн теңге төленуі тиіс. Алайда ақшамызды аламыз деп келген қарапайым жұмысшыларды кеңсе қожайыны қуып шықты. Ол аздай жүргізушілердің шағымын тыңдауға барған тілшілердің де камерасына жабыса кетті.
Өзін мердігер компанияның атқарушы директорымын деп таныстырған Иллона Иванова жұмысшылардың құжаттарында шикілік бар екенін айтады. Алайда көлік жүргізушілерінің тас жолды салуға қатысқанын жоққа шығарған жоқ. Ал негізгі тапсырыс беруші «ҚазАвтоЖол» Акционерлік қоғамы аталмыш мәселені бүгін ғана білдік деп ақталды.
ҰЛАН ТОҚТАРБАЙҰЛЫ, "Қазавтожол ҰК" АҚ Басқарма төрағасы:
– Кадр-Строй мекемесінің басшысы Лазеров Владимир Альбертовичпен де Афина-Палада мекемесінің басшысымен де сөйлестік. Осы аптаның аяғына дейін қарызды төлейміз деп уәде берді. Біз қатаң қадағалауға аламыз.
ӘЛІБЕК ШЫНТЕМІР, тілші:
– Айлап ақшасын ала алмай жүрген қарапайым жұмысшылар енді қарыз компанияны сотқа береміз деп отыр, өйткені жеті ай бойы бір тиын төлемеген олар тіпті өзімізді кінәлап көрсеткен қызметімізден кінәрат іздеп отыр дейді.
Әлібек Шынтемір, Ринат Абулхайыров
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Талдықорған-Өскемен учаскесінде жол салған жұмысшылар маңдайақы ақшаларын ала алмай жүр канала Информбюро 31