Ақауы бар өкпе желдеткіш аппараттарын министрліктен елге таратқан кім?

Елімізде коронавирус инфекциясын жұқтырып алғандар саны күн сайын артып жатқанда, Индустрия және инфрақұрылымдық даму министрлігінің сатып алған өкпені жасанды желдету аппаратының жартысына жуығы жарамсыз болып шыққан. Осындай мәселе көтерген сенатор Нұрлан Қылышбаев министрлік бюджеттің ақшасын оңды-солды шашты деп айыптап отыр. Бірақ, ведомство өкілдері мұның бәрін жоққа шығаруда.
Ковид жұқтырған, жағдайы ауыр науқастардың жанын аман алып қалу үшін астаналық компаниядан сатып алынған 1 жарым мың аппараттың тек 831-і ғана жарамды болып шыққан. Істемейтін 700 құрылығыға үкімет резервінен қаражат қарастырылып, еліміздің барлық 17 өңіріне таратылған. Бұл мәліметтерді айтқан сенат депутаты Нұрлан Қылышбаев жағдай әсіресе оңтүстік өңірде мәз емес дейді.
НҰРЛАН ҚЫЛЫШБАЕВ, ҚР Парламент Сенатының депутаты:
– Жамбыл облысына жеткізілген 53 аппараттың ешқайсысын пайдаға асыру мүмкін емес. Дәл осындай жағдай Түркістан облысында да кездеседі - 58 аппараттың бірде-біреуі толық жабдықталмаған.
Ал индустрия және инфрақұрылымдық даму вице-министрі Талғат Жанжүменов сенатор жалған ақпарат айтқан деп отыр. Құрылығылардың сапасына сенімді ол, егер дәл осы аппараттардың жарамайтындығы анықталса, отставкаға кетуге әзірмін дейді.
ТАЛҒАТ ЖАНЖҮМЕНОВ, ҚР Индустрия және инфрақұрылымдық даму вице-министрі:
– Ол жалған ақпарат. Бүгінгі күнде 1500 аппарат 297 ауруханаға жеткізілді. Оның 140-ы қазіргі күнде жұмыс істеп тұр. Қалғандары жұмысқа қосылмаған. Өйткені, тиісті емделетін адамдар әлі жоқ.
Жамбыл облысының денсаулық сақтау басқармасы да, істен шыққан аппарат әзірге болмады дейді.
ӘСЕТ ҚАЛИЕВ, Жамбыл облыстық денсаулық сақтау басқармасының басшысы:
– Республикадан 53 жасанды өкпе аппаратын алдық. Олардың барлығы біздің емдеу ұйымдарына жеткізілді. Олардың барлығы толық комплектациялы, актісімен қабылдап алғанбыз. Жұмыс жасап тұр.
Бір анығы, 1 жарым мың аппараттың ішінен Семейге жеткізілген бір дана құрылығының компрессоры істен шыққан. Бір күннің ішінде жаңасына алмастырып үлгердік дейді министрліктегілер. Ал, сенатордың бұл мәліметті қайдан алғанын оның көмекшісі де біле алмады.

Әйгерім Ердәулет, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақауы бар өкпе желдеткіш аппараттарын министрліктен елге таратқан кім? канала Информбюро 31