Өскемендік кәсіпкерлер әкімдікке жиналып, еңбек етуге мүмкіндік беріңдер деп талап қойды

Өскеменде қалалық әкімдік алдына жиналған кәсіпкерлер шектеу шараларын сақтап, еңбек етуге мүмкіндік беріңдер деген талап қойды. Көптен бері жұмыстары тоқтап, қыруар шығынға ұшырағандарын айтпақ болғанымен қала әкімі Жақсылық Омар бизнесмендермен жолыққан жоқ. Бұдан кейін ашуға булыққан топ, облыс әкімі Даниал Ахметовтен үміт күтіп, облыстық әкімдікке барды.
Жеке кәсіпкерлер жұмыс істеуге мүмкіндік беріңдер деді. Әртүрлі салада жүрген бизнес өкілдері әкімдіктен бұған дейін талай рет рұқсат сұрапты. Шектеу шараларын сақтай отырып, аз да болса табыс табуға мүмкіндік беріңдер деп өтінген екен. Бірақ берілген құр уәдеден нәтиже шықпаған соң, осылай жиналуға мәжбүр болған.
АЛЕНА РЫЖОВА, кәсіпкер:
– Біздің жұмыс орнымызды ашып берсін деген мақсатпен келдік. Несиеміз бар. Күнделікті шығындарымыз бар. Оның бәріне ақша таба алмай қалдық. Балаларымыз тамақ ішкісі келеді. Оны қайдан тауып береміз? Әбден қиналып кеттік.
Кәсіпкерлер шектеу шараларын бәріне бірдей қолданбай отыр деп те наразы. Өздері секілді өзгелер жұмыс істеп жатқанына қарап, құр отыра алмадық дейді.
РУСЛАН, Кәсіпкер:
– Бұл індетпен өмір сүруді үйрену керек. Ауру ешқайда кетпейді. Осылай қалады. Біз неге оған кінәлі болуымыз керек? Неге көшедегі қоғамдық көліктерде адамдар толып жүр? Күндізгі уақытта асханаларда адам көп. Біз шектеу шараларын сақтай отырып неге жұмыс істей алмаймыз?
Өтініштерін есіктің алдында тағы бір рет айтуға келгендерді әкімдік қызметкерлері ішке кіргіуге тырысты. Бұл митинг деп жауапқа тартылатындарын да ескертті.Бұдан кейін ғимарат ішіне кіргендер қала әкімі Жақсылық Омармен кездескілері келетіндерін айтты. Бірақ оларды келмеген әкімнің өкілдері тыңдап, жауап беруге тырысты.
ТАЛҒАТ ТҰҢҒЫШБАЕВ, ШҚО Санитарлық-эпидемиологиялық бақылау департаментінің ресми өкілі:
– Жақын уақытта түнгі клубтар ашылмайды. Қазір екінші инкубациялық кезең басталды. Жиырмасынан кейін ауру азаюы тиіс.
Алайда қанағаттанарлық жауап ала алмағандар көшедегі аязға қарамай жаяулатып, облыс әкімідігін бетке алды. Күтпеген қонақтарды мұндағылар да есіктің алдына біраз тұрғызып қойды. Кейіннен ішке кірген бір топ кәсіпкер мұндағы кездесу де нәтиже бермегенін айтып ашынды.
Жанболат Санияз
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Өскемендік кәсіпкерлер әкімдікке жиналып, еңбек етуге мүмкіндік беріңдер деп талап қойды канала Информбюро 31