Атырауда қара уылдырық шығарытын жалғыз зауыт мемлекеттің қолдауына зәру

Атыраудан шығатын қара уылдырыққа сұраныс көп. Бірақ бекіреге бай аймақта бұл тауарды шығаратын бір ғана зауыт бар. Оның өзі жекенің бизнесі. Осыған дейін бұл кәсіпке мемлекет тарапынан қолдау болмаған. Сондықтан бұл шаруашылық тұралап тұрған еді. Бірақ 2021 жылдан бастап дәл осы балық шаруашылығы барынша қолдауға ие болды дейді әкімдіктегілер.
«Caspian royal fish» тауарлы бекіре зауыты бүкіл Қазақстанды атыраулық уылдырықпен қамтып отыр. 2015 жылы зауыт құрылысына мемлекеттен азын-аулақ субсидия алынған. Бұдан кейін Үкіметтен қолдау болмаған екен. Бір қызығы қызыл балыққа бай Атырауда тұрса да кәсіпорын бекірені де, шабақты да Польша, Башкирия, Ресей елдерінен әкелген. Оған қоса балықтың қорегін де Еуропадан әкелетіндерін айтады.
АХАТ НИМАТОВ, "Caspian royal fish" тауарлы бекіре зауытының бас балық өсірушісі:
– Жем шығаратын зауыттардың жоқтығы, балық шабақтарын сатып алатын мекемелердің аздығы басты қиындық болып табылады. Осы екі мәселе шешілсе, ары қарай балық өсіру технологиясы жасақталған.
Бұл зауыт жылына бір тонна азықтық уылдырық, 100 тонна бекіре балықтарының өнімін шығарады. Тауарға сұраныс жоғары, бірақ бизнестің көлемін кеңейтуге күштері жетпейді. Ал Атырау облысы балық шаруашылығы басқармасының басшылары бұл мәселе келер жылы толық шешіледі дейді.
АРТУР СӘДІБЕКҰЛЫ, Атырау облысы балық шаруашылығы басқармасының бастығы
– Қазіргі таңда балық өсірушілердің сұрап отырғандары мемлекеттен тағы қосымша қолдау сұрап отыр. Яғни балық отырғызу материалдарын сатып алу, аналық табындыларын сатып алуға және оны ұстауға биологиялық негіздеме, сонымен қоса медициналық препараттар сатып алуға қолдау сұрауда. Бұл қазіргі таңда салалық министрлікпен келісілді, дайындалуда.
Атырау облысында Экология, геология және табиғи ресурстарды қорғау министрлігіне қарасты тағы екі бекіре зауыты бар. Олар тек мемлекеттік тапсырыс бойынша Жайыққа қызыл балықтардың шабағын ғана жіберіп тұрады. «Caspian royal fish» тауарлы бекіре зауыты шетел аспай осы кәсіпорындардан бекіре шабақтарын сатып алу туралы министрлікке талай мәрте ұсыныс білдірген екен.
Жанат Молдашова, Фархат Тәжібаев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Атырауда қара уылдырық шығарытын жалғыз зауыт мемлекеттің қолдауына зәру канала Информбюро 31