Талдықорған іргесіндегі саяжай халқының арманы орындалды

Талдықорғанға қарасты саяжай халқының бірнеше жылдар бойы жергілікті биліктен өтініп сұраған талаптары орындалды. Қызыл тас және Шайқорған елді мекендерінде жаңа көпір пайдалануға берілді. Лентасын Алматы облысының әкімі Амандық Баталов саяжайдың кішкентай тұрғындарымен бірге кесіп, халықтың қуанышымен бөлісті.
САМАЛ ҚАБЫШЕВА, тілші:
– Тұрғындардың сөзінше, Шайқорған саяжайы 80-ші жылдардан бері бар. Сол уақыттан бері осы көпір халықтың игілігіне жараған. Ал тұрғындар бұл жерден өткенде жанымызды шүперекке түйіп өтетінбіз дейді. Енді сол шайқорғандықтардың игілігіне заманауи көпір пайдалануға берілді.
ҚУАНЫШ ТӘШІБАЕВ, Шайқорған саяжайының тұрғыны:
– Бұрында бұл жерден көлік өте алмайтын болған. Анау ар жақта тұратын көліктер анау жердің түбін айналып, тубдиспансерді айналып, әбден сондай әуреге түсуші еді. Жауын-шашында теңселіп тұрады анау. Балалар үшін қорқушы едік. Бағымызға қарай көпірді салып, халқымыздың игілігін ойлап, басшыларға мыңда бір алғысымды айтамын.
САМАЛ ҚАБЫШЕВА, тілші:
– Қызылтас саяжайында да жаңа көпір пайдалануға берілді. Міне бұл ескі көпір. Шұрық- тесікке толы, жамау-жамау. Көлікті былай қойғанда, адамдардың өзі жүргенде бұл жер дірілдейді. Тұрғындар дәл осы жолмен өткенде үрейленетінін, өмірлеріне қауіп төніп тұрғандарын әкімдікке бірнеше жылдан бері жеткізген болатын. Бүгін міне халықтың талабы, тілегі орындалып, оларға су жаңа көпір салынып берілді.
Жалпы Талдықорғанға қарасты саяжайлардың саяжай деген аты болмаса, біріне суы тартылып, біріне газ жүргізу жоспарланып, жылдан-жылға көркейіп жатыр.
АМАНДЫҚ БАТАЛОВ, Алматы облысының әкімі:
– Мына жолды аяғына дейін жасап бердік. Мына шағын ауыл қиналмасын деп қандай керемет мектеп салып бердік.
Жалпы екі көпірді салуға 595 миллион теңге жұмсалған. Екеуінде де халықтың қауіпсіздігі үшін жаяу жүргіншілердің арнайы жолағы бар.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Талдықорған іргесіндегі саяжай халқының арманы орындалды канала Информбюро 31