Ақтөбеде автобус жүргізушілері көліктерін тоқтатып наразылыққа шықты

Ақтөбеде жолаушылар тасымалымен айналысатын компания жұмысшылары бүгін автобустарын тоқтатып наразылыққа шықты. Жүргізушілер карантин кезінде қоғамдық көлікке мінетін адамның азайып кеткеніне қарамастан, басшылық күнделікті тапсыратын жоспарларын көтеріп жібергендерін айтып шағымдануда. Оның үстіне 12 сағат жұмысқа төленетін жалақымыз да тым аз деп отыр.
Таңғы сағат бестен түнгі онға дейін автобус жүргіземіз деген азаматтар еңбектерінің бағаланбайтынына наразы. Сөздерінше, жұмысшылар үшін жағдай жасалмаған. Оның үстіне айлық аз, ал автобустар бұзылса оған тауып беретін қосалқы бөлшектері де жоқ дейді. Жүргізушілер әрбір бағыттағы автобус күніне 16 000 нан 18 000 теңге көлемінде жоспар тапсыруға міндеттелгенін айтады. Алайда сол жоспарды орындау қиынға соққан. Өйткені оқушылар да, студенттер де қашықтан оқыған соң қазір адам аз деп отыр.
АМАНТАЙ ЖАҚАЕВ, автобус жүргізушісі:
– Бізде условие жоқ. Запчасти бермейді. Қалғанын керек затты сатып аламыз. Айлықты көтерсін. Біз план тапсырамыз. Запчасти берсін. Жұмысқа шығармай тастады. Себебін білмейміз.
ЕРҒАЛИ САРҚҰЛОВ, автобус жүргізушісі:
– План сұрайды. План бұрында карантин алдында беріп тұрдық. Карантинде базар жабылды. Мерей, Шығыс барлығы. Жоқ адамнан біз қайдан табамыз.
Ал жолаушы тасымалымен айналысатын мекеме жағдайды былай деп түсіндіреді.
ТҰРСЫНБЕК ҚУАНЫШЕВ «Жолаушылар автокөлік кәсіпорны» ЖШС зеңгері
– Айлықтары 65-70 мың қазір. Бұлар тағы да он мыңнан план тапсырмай тұр. Маршрутқа шыға алмай отырғаны сол. Қосалқы бөлшекті мемлекеттік мекеме болған соң через мемлекеттік тендер арқылы сатып аламыз. Бүкіл запчастіні. Бұл кісілерге айтамыз машиналарын бұзылса стоянкаға әкеліп қойыңыз дейміз. Бұл кісілер заинтересован болғаннан кейін өз қалтасынан салып шығарады. Сол ақшаны бізден өндіргісі келеді.
Жүргізушілер қазір мекемедегі жағдайға байланысты еңбек инспекциясынан бастап, прокуратураға дейін шағымданып қойғандарын айтады. Олар арнайы комиссияның тексеруін талап етіп отыр.
Жанар Қожанова, Бағдат Баймурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтөбеде автобус жүргізушілері көліктерін тоқтатып наразылыққа шықты канала Информбюро 31