တရုတ် စစ်လေယာဉ်ကို ဟန့်တားခဲ့တဲ့ လေသူရဲတွေကို ထိုင်ဝမ် သမ္မတ သွားရောက် ဂုဏ်ပြု

တရုတ် စစ်လေယာဉ်ကို ဟန့်တားခဲ့တဲ့ လေသူရဲတွေကို ထိုင်ဝမ် သမ္မတ သွားရောက် ဂုဏ်ပြု

စက်တင်ဘာ - ၂၃၊ ၂၀၂၀

တရုတ် စစ်လေယာဉ်ကို ကြားဖြတ် ဟန့်တားခဲ့တဲ့ တိုက်လေယာဉ်မှူးတွေကို ထိုင်ဝမ် သမ္မတ ဆိုင်အင်ဝမ်က သွားရောက် တွေ့ဆုံ ဂုဏ်ပြုခဲ့ပါတယ်။

စက်တင်ဘာ ၂၂ ရက်မှာ သမ္မတ ဆိုင်ဟာ ပန်ဂူးမှာရှိတဲ့ ထိုင်ဝမ် လေတပ်စခန်း တစ်ခုကို ရောက်ရှိလာပြီး လေသူရဲတွေနဲ့ တွေ့ဆုံခဲ့ပါတယ်။ ပြီးတော့ နိုင်ငံအတွက် သူရဲကောင်းဆန်ဆန် ရဲရဲရင့်ရင့် စွမ်းဆောင်ပေးနေတာတွေ အားလုံးအတွက် ကျေးဇူးတင်ကြောင်းလည်း ဆိုင်က ပြောကြားခဲ့ပါတယ်။

တရုတ်ဟာ ထိုင်ဝမ်ကို ပိုင်နက်နယ်မြေ တစ်ခုအဖြစ် သတ်မှတ်လိုပေမယ့် ထိုင်ဝမ်ကတော့ ကိုယ်ပိုင် နိုင်ငံတစ်ခုအဖြစ် သီးသန့်ခွဲခြား ရပ်တည်ဖို့ပဲ လိုလားနေပါတယ်။ ဆိုင်ရဲ့ လက်ထက်မှာ တရုတ်နဲ့ ဆက်ဆံရေးက ပိုမို တင်းမာလာခဲ့ပါတယ်။ ပြီးခဲ့တဲ့ သီတင်းပတ်မှာတော့ ထိုင်ဝမ် ကမ်းလွန်မှာ တရုတ်က စစ်ရေး လေ့ကျင့်ခဲ့ပြီး တရုတ် စစ်လေယာဉ် တစ်စီးက ထိုင်ဝမ်ပိုင်နက်နားထိ ချဉ်းကပ် ပျံသန်းခဲ့ပါတယ်။

ဒီအတွက်လည်း ထိုင်ဝမ် ဂျက်တိုက်လေယာဉ်တွေက ချက်ချင်း ပျံတက်သွားပြီး အဲဒီ တရုတ်စစ်လေယာဉ်ကို ကြားဖြတ် ဟန့်တားခဲ့ကြပါတယ်။ ဆိုင်က ဒီလို ရဲရင့်ပြီး ထိရောက်ပြတ်သားတဲ့ တုံ့ပြန်မှုမျိုးအတွက် လေသူရဲတွေကိုရော၊ လေတပ် အင်ဂျင်နီယာတွေကိုပါ အသိအမှတ် ပြုပါကြောင်း ပြောကြားသွားပါတယ်။

ထိုင်ဝမ် နိုင်ငံခြားရေးဝန်ကြီး ဂျိုးဆက်ဝူကတော့ တရုတ်စစ်တပ်ရဲ့ လွန်ကဲတဲ့ အပြုအမူတွေအပေါ် ထိုင်ဝမ်နဲ့အတူ ပူးပေါင်း ရှုတ်ချပေးဖို့ နိုင်ငံတကာ အစိုးရတွေဆီ တိုက်တွန်း တောင်းဆိုထားပါတယ်။
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

Видео တရုတ် စစ်လေယာဉ်ကို ဟန့်တားခဲ့တဲ့ လေသူရဲတွေကို ထိုင်ဝမ် သမ္မတ သွားရောက် ဂုဏ်ပြု канала 7Day TV