ကပ်ရောဂါကြောင့် မြေထဲပင်လယ် ကမာမျိုးစိတ်တစ်ခု မျိုးသုဉ်းသွားနိုင်တဲ့ အန္တရာယ် ကြုံနေရ

ကပ်ရောဂါကြောင့် မြေထဲပင်လယ် ကမာမျိုးစိတ်တစ်ခု မျိုးသုဉ်းသွားနိုင်တဲ့ အန္တရာယ် ကြုံနေရ

စက်တင်ဘာ - ၁၉ ၊၂၀၂၀

ကပ်ရောဂါတစ်မျိုး ကူးစက်မှုကြောင့် ကမာကောင် မျိုးစိတ်တစ်ခု မျိုးသုဉ်း ပျောက်ကွယ်သွားနိုင်တဲ့ အန္တရာယ်မျိုး ရင်ဆိုင်နေရကြောင်း ခရိုအေးရှား အဏ္ဏဝါဇီဝ ပညာရှင်တွေက သတိပေး ပြောကြားလိုက်ပါတယ်။

လူသားတွေသာ မကဘဲ မျက်မှောက်ကာလမှာ မြေထဲပင်လယ် ကမာကောင် မျိုးစိတ်တွေထဲက အကြီးဆုံး တစ်မျိုးဟာလည်း ကပ်ရောဂါ ခြိမ်းခြောက်မှုဒဏ်ကို အလူးအလဲ ခံစားနေရတယ်လို့ ဆိုပါတယ်။ နိုဘယ်လ်ပန် မျိုးစိတ် ကမာတွေ အရေအတွက်ဟာ ပြင်းထန်တဲ့ ကူးစက်ရောဂါ တစ်မျိုးကြောင့် လျင်လျင်မြန်မြန် ကျဆင်းလာနေကြောင်း သိရပါတယ်။

ဒီကူးစက်ရောဂါရဲ့ ပထမဆုံး အထောက်အထားတွေကို စပိန်ကမ်းလွန် ရေပြင်မှာ လွန်ခဲ့တဲ့ ၄ နှစ်လောက်က စတင် တွေ့ရှိခဲ့ပါတယ်။ နောက်တော့ ကပ်ရောဂါ ကူးစက်တဲ့ နယ်မြေ ပိုမို ကျယ်ပြန့်လာပြီး နိုဘယ်လ်ပန် ကမာကောင်တွေ အမြောက်အမြား သေကြေ ပျက်စီးခဲ့တယ်လို့ ခရိုအေးရှား သဘာဝ ပတ်ဝန်းကျင် ထိန်းသိမ်းရေး ဌာနရဲ့ အဏ္ဏဝါဇီဝ ပညာရှင် လူကာ ကာတူဆစ်က ပြောကြားခဲ့ပါတယ်။

လက်ရှိမှာတော့ နိုဘယ်လ်ပန် ကမာကောင်တွေ မျိုးသုဉ်းမသွားခင် ကယ်တင်နိုင်ဖို့ သက်ဆိုင်ရာ အာဏာပိုင် အဖွဲ့အစည်းတွေနဲ့ ပညာရှင်တွေ ပူးပေါင်းပြီး အစွမ်းကုန် ကြိုးစား ဆောင်ရွက်နေကြပါတယ်။ ဒီကပ်ရောဂါဟာ မြေထဲပင်လယ် ဧရိယာမှာ မြန်မြန်ဆန်ဆန် ပျံ့နှံ့လာခဲ့ပြီး ခရိုအေးရှား တောင်ပိုင်း ကမ်းလွန် ရေပြင်မှာတော့ မနှစ်က စတင် တွေ့ရှိလာတယ်လို့ ကာတူဆစ်က ဆိုပါတယ်။ အခုဆိုရင် ခရိုအေးရှား ကမ်းရိုးတန်း တလျှောက်မှာ ဒီရောဂါ ပျံ့နှံ့နေပြီလို့လည်း ပညာရှင်တွေက အတည်ပြု ပြောကြားထားပါတယ်။
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

Видео ကပ်ရောဂါကြောင့် မြေထဲပင်လယ် ကမာမျိုးစိတ်တစ်ခု မျိုးသုဉ်းသွားနိုင်တဲ့ အန္တရာယ် ကြုံနေရ канала 7Day TV