သမ္မတ ဦးဝင်းမြင့် အိန္ဒိယကို ချစ်ကြည်ရေးခရီးစဉ်ထွက်ခွာ

ဖေဖော်ဝါရီ - ၂၆ ၊၂၀၂၀

နိုင်ငံတော်သမ္မတဦးဝင်းမြင့်ဦးဆောင်တဲ့ ကိုယ်စားလှယ်အဖွဲ့ဟာ ဒီနေ့မှာ အိန္ဒိယနိုင်ငံသို့ တရားဝင် ချစ်ကြည်ရေးခရီးသွားရောက်ပြီလို့ သတင်းရရှိပါတယ်။

သမ္မတဦးဝင်းမြင့်ဟာ အိန္ဒိယသမ္မတနိုင်ငံ သမ္မတ ရှရီရမ်နက်သ်ကိုဗင့်ဒ်ရဲ့ ဖိတ်ကြားချက်အရ အိန္ဒိယနိုင်ငံကို သွားရောက်တာလည်းဖြစ်ပါတယ်။

သမ္မတ ဦးဝင်းမြင့်နဲ့အတူ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ သာသနာရေးနဲ့ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကို၊ ပို့ဆောင်ရေးနဲ့ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်၊ ရခိုင်ပြည်နယ်အစိုးရအဖွဲ့ ဝန်ကြီးချုပ် ဦးညီပုတို့ လိုက်ပါသွားတယ်လို့လည်း သိရပါတယ်။

အဲဒီ့ခရီးစဉ်အတွင်း သမ္မတဦးဝင်းမြင့်က အိန္ဒိယသမ္မတ ကိုဗင့်ဒ်၊ ဝန်ကြီးချုပ် မိုဒီတို့နဲ့ သီးခြားတွေ့ဆုံဖို့ရှိပြီး နှစ်နိုင်ငံ နားလည်မှုစာချွန်လွှာတွေလည်း ရေးထိုးသွားဖို့ရှိတယ်လို့ သိရပါတယ်။

သမ္မတဦးဝင်းမြင့်က ၂၀၁၉ခုနှစ်မှာ အိန္ဒိယဝန်ကြီးချုပ်မိုဒီရဲ့ ကျမ်းသစ္စာကျိန်ဆိုပွဲကို တက်ရောက်ခဲ့ပြီး အခုတစ်ခေါက် ခရီးစဉ်က အိန္ဒိယကို ဒုတိယအကြိမ်သွားရောက်တဲ့ ခရီးစဉ်လည်းဖြစ်ပါတယ်။

နိုင်ငံတော်သမ္မတဦးဆောင်တဲ့ ကိုယ်စားလှယ်အဖွဲ့ကို ဒုတိယသမ္မတတွေဖြစ်တဲ့ ဦးမြင့်ဆွေ၊ ဦးဟင်နရီဗန်ထီးယူ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့က ပို့ဆောင်နှုတ်ဆက်ခဲ့ကြပါတယ်။

ရုပ်သံသတင်းထောက်-အိမ့်မြတ်နိုးဇော်

Subscribe to our channel at https://bit.ly/2CVSP6d
Check out our website: https://7day.news
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

Видео သမ္မတ ဦးဝင်းမြင့် အိန္ဒိယကို ချစ်ကြည်ရေးခရီးစဉ်ထွက်ခွာ канала 7Day TV