ရှေ့ဘီးထောင်လျက်သား ဆိုင်ကယ်စီးပြီး ကမ္ဘာ့အမြန်ဆုံး စံချိန် တင်ခဲ့တဲ့ လူစွန့်စား

ဩဂုတ် - ၁၈ ၊၂၀၂၀

ဗြိတိန်နိုင်ငံသား စတန့်သမား တစ်ဦးဟာ ဆိုင်ကယ်ကို ဘီးတစ်ဖက် မြှောက်လျက်သား အမြန်ဆုံး စီးနင်းပြတဲ့ ကမ္ဘာ့စံချိန်သစ် တင်နိုင်ခဲ့ကြောင်း သိရပါတယ်။

ယော့ခ်ရှိုင်းယား မြောက်ပိုင်းက အယ်လ်ဗန်တန် လေဆိပ်ရဲ့ လေယာဉ်ပြေးလမ်းပေါ်မှာ ဂျွန်နီဒေးဗီးစ်က ကမ္ဘာ့စံချိန်သစ်ကို စွန့်စွန့်စားစား ရယူခဲ့တာ ဖြစ်ပါတယ်။ သူဟာ Straightliner ကမ္ဘာ့စံချိန်သစ် ကြိုးစားမှု အစီအမံမှာ အခုလို အစွမ်းပြ စီးနင်းခဲ့တာပါ။

အဲဒီလို မှတ်တမ်းမျိုး တင်နိုင်ဖို့အတွက် ရှေ့ဘီးထောင်ထားတဲ့ ဆိုင်ကယ်ကို အမြင့်ဆုံး မြန်နှုန်းမှာ အနည်းဆုံး မီတာ ၂၀၀ လောက် ခရီးပေါက်အောင် စီးနင်းပြဖို့ လိုပါတယ်။ ဒေးဗီးစ်က တစ်နာရီကို ၁၇၅.၇၈၅ ကီလိုမီတာ မြန်နှုန်းမျိုးနဲ့ ရှေ့ဘီးထောင်ပြီး ဆိုင်ကယ်စီးပြနိုင်ခဲ့တာ ဖြစ်ပါတယ်။

သူ့ရဲ့ စံချိန်ကို ဂင်းနစ် ကမ္ဘာ့မှတ်တမ်း အဖွဲ့ဆီ ပေးပို့ထားပြီး တရားဝင် အသိအမှတ်ပြု ခံရဖို့ ရှိနေပါတယ်။ အရင် ကမ္ဘာ့စံချိန်ဟောင်း ပိုင်ရှင်ကတော့ အိုင်ယာလန်သား အက်ဒါရိုက်ဖြစ်ပြီး ၂၀၀၈ ခုနှစ်တုန်းက ဆိုင်ကယ်ကို ရှေ့ဘီး ထောင်လျက်သားနဲ့ တစ်နာရီ ၁၇၃ ကီလိုမီတာ မြန်နှုန်းမျိုးထိ မောင်းနှင်ပြခဲ့ဖူးပါတယ်။
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

Видео ရှေ့ဘီးထောင်လျက်သား ဆိုင်ကယ်စီးပြီး ကမ္ဘာ့အမြန်ဆုံး စံချိန် တင်ခဲ့တဲ့ လူစွန့်စား канала 7Day TV