АДАМДАРДЫ РЕНЖІТУ...

Мұсылман барлық жағынан елге үлгі боларлық адам деген сөз. Әрбір ісінде Аллаһтан қорқып әрекет етеді. Аллаһу та’аланың сүйіспеншілігіне қауыштыратын істерді орындау үшін тырмысады. Сабырлы және кешірімді болады. Әр түсініспеушілікте, қиыншылықта кемшілікті өзінен көреді. Әрбір ісінде Аллаһ разылығын ойлайды. Ешкіммен таласып тартыспайды. Көңілдерді Аллаһтың үйі деп білгені үшін адамдардың көңілін қалдырудан, яғни адамдарды ренжітуден қатты қорқады.

Хадис шәрифте:

«Ақысыз (әділетсіз) бір мұсылманды ренжіту Қағбаны жетпіс рет құлатудан да артық күнә» делінген.

Сөздерімен, әрекеттерімен немесе кез келген түрде біреуді ренжіткен адам дүниеде бақытсыз болатынындай, ахиретте де осы күнәсы себепті жаһаннамға түседі.

Тағы бір хадис шәрифте былай делінеді:

«Қиямет күнінде үмметімнің муфлисі (банкрот) мына адам: өте көп намаз, ораза және басқа да ғибадаттарымен келеді. Бірақ біреуді балағаттаған, біреуге жала жапқан, біреудің мүлкін жеген, біреудің қанын төккен. Жасаған бұл зұлымдықтарының өтемі ретінде сауаптары ақы иелеріне беріледі. Сауаптары таусылса, ақы иелерінің күнәлары мұның мойнына жүктеліп жаһаннамға тасталады».

Қандай түрде болмасын адамды ренжітуден өте сақ болу керек.

Хазреті Имам Раббани былай деген:

«Көңіл (жүрек) Аллаһу та’аланың көршісі. Аллаһу та’алаға көңілдің жақындығындай еш нәрсе жақын емес. Мүмин болса да, кәпір болса да ешкімнің көңілін қалдырмау керек, яғни ешкімді ренжітпеу керек. Өйткені кәпір болған көршіні де қорғау керек. Абай болыңдар, біреудің көңілін ренжітуден өте сақ болыңдар. Аллаһу та’аланы ең көп ренжітетін нәрсе күпір. Күпірден кейін көңілді ренжіту сияқты үлкен күнә жоқ. Өйткені Аллаһу та’алаға жететін нәрселердің ең жақыны көңіл (жүрек).»

Барлық адамдармен жылы жүзді, жылы сөзді мәміледе болу, ешкімді ренжітпеу, мал-мүлкіне, ар-намысына көз алмау, заңдарға қарсы келмеу мұсылманның басты міндеті.

Видео АДАМДАРДЫ РЕНЖІТУ... канала JÁNNAT JOLY - ЖӘННАТ ЖОЛЫ