ЖӘННАТТЫ САТЫП АЛУ

Соңғы сабақ аяқталған еді. Оқушылар қайту үшін сабырсыздық етіп дәптер кітаптарын сөмкелеріне салып қойған. Қоңырау шалынуымен сыртқа шығуға дайындалып отыр.

Тек Әли ғана шығуға асықпады. Заттарын ақырын жинастырып жатты. Бір жағынан көз қиығымен мұғаліміне қарап, бір жағынан достарының шығып кетуін күтіп тұрды. Әлидің бірдеңе айтқысы келгенін мұғалімі бірден ұқты.
Қоңырау да соғылды, барлығы есікке тұра ұмтылды.

- Тыныштық па Әли, сен үйге қайтпайсың ба?

- Сізбен сөйлесейін деген едім ағай.

- Жарайды Әли не айтайын деп едің?

- Досым Ахметтің жағдайлары жақсы емес көрінеді. Анасы сөмкесіне тамақтануға жақсы нәрселер салмай жүр. Оған көмектескім келеді. Менің көмектескенімді білсе ренжиді. Күніне бір бәліш ақшасын жинап әр апта сайын сізге беріп тұрсам, сіз оған бере аласыз ба?

Мұғалімі таң қалды. Бұл үздік және сүйкімді оқушысының қаншалықты жақсы ниетті екендігін ойлады.

- Сендердің де жағдайларың оншалықты жақсы емесқой Әли?

- Иә ағай, әкем жұмыс таба алмай жүргеніне біраз болды. Бірақ мен де жұмыс істеп жүрмін.

- Қайда, не істеп жүрсің?

- Бәліш сатып жүрмін ағай - деп Әли жадырай жауап берді.

Мұғалімі жақсылықтың мынадай түріне не айта алатын еді? Оны бұл ойынан қайтару үшін бір шара табуы керек еді.

- Үлкейгенде кім болғың келеді Әли?

- Адамдарға бұдан да көп көмектесе алу үшін өте бай жұмысшы болғым келеді.

- Онда сен асықпа, өте бай болған кезіңде адамдарға көмектесесің.

- Болмайды ағай.

- Неге болмайды?

- Оның Үш себебі бар.

Біріншісі: Бұл ақша онсыз да менікі емес. Жақсылық істегенім үшін Аллаһу та'ала мені адамдарға сүйкімді етіп көрсетеді. Сондықтан олар менен көбірек бәліш сатып алады.

Екіншісі: Ағашты жастайынан отырғызу керек деп айтылған. Қазірден бастап жақсылық жасамасам үлкейген соң мүлдем жасай алмаймын.

Үшіншісі: Қазір тек бір бәліш ақшасындай ғана жақсылық істей аламын. Аллаһу та'ала Жәннатты күші жеткен мөлшерде жақсылық жасағандарға береді. Егер байымай тұрып өлсем, бірнеше бәліш ақшасының арқасында жәннатқа кіре аламын.
Сондықтан қолымдағы ақшаны пайдалы дүниеге жұмсағым келеді ағай - деп кішкентай Әли үлкен даналықпен жауап берген екен.

Видео ЖӘННАТТЫ САТЫП АЛУ канала JÁNNAT JOLY - ЖӘННАТ ЖОЛЫ