САДАҚАНЫҢ МАҢЫЗЫ

Бір аймақта жаңбыр жаумай, құрғақшылық кезеңі орын алады. Адамдар жаңбыр тілеп қанша дұға етсе де жаңбыр жаумайды. Сол ауылдағы әулие кісі абыржыған халыққа былай дейді:

— Уа жамағат мұның бір шарасы бар. Себептеріне жабыспайынша жаңбыр жаумайды.

Құрғақшылықтан әбден қажыған жұрт:

— Я, Ұстаз шарасы қандай да болса айтыңыз! Мына пәлекеттен тезірек құтылайық, — дейді.

— Бермей тұрып сұрауға болмайды. Аллаһ разылығы үшін бермей одан жалынып сұру ақымақтың ісі. Менің мына шапанымнан басқа еш нәрсем жоқ, мен бұл шапанымды беремін, әркім садақа ретінде бір нәрселер әкелсін - дейді.

Мұны естіген адамдар бере алатын нәрселерін әкеліп ортаға қойды, көп нәрсе жиналды. Әулие кісі жиналған заттарды сол аймақтағы кедейлерге таратуын бұйырды. Барлығын таратып болған соң мүбәрәк кісі:

— Уа Раббым, құлдарыңды қуантқан адамдардың дұғасын қабыл етесің, біз сенің кедей құлдарыңды қуанттық, сен де жаңбыр нәсіп етіп біздерге қуаныш сыйла! - деп жалынып дұға етті.

Осыдан соң жаңбыр жауа бастады. Кейін әулие кісі халыққа бұрылып:

— Міне көргендеріңдей садақа бермеген адамның, адамдарды қуантпаған адамның дұғасы қабыл болмайды - деп дұғаның қабыл болуы үшін садақаның да маңыздылығын насихат етті.

Видео САДАҚАНЫҢ МАҢЫЗЫ канала JÁNNAT JOLY - ЖӘННАТ ЖОЛЫ