ҚҰДІРЕТ

Пәкістандық дәрігер Ишан Хусейни медицина саласында жасаған ерен еңбегі үшін марапат алуға халықаралық бір конференцияға бара жатқан еді.

Ұшаққа отырады. Бірақ ауа райы күрт өзгеріп, найзағай ойнағандықтан ұшақ ең жақын жердегі әуежайға қонуға мәжбүр болады. Бұдан кейінгі ұшақ 16 сағаттан соң ұшатын еді.

Ызаға бұлыққан дәрігер:

– Ол конференцияға міндетті түрде үлгеруім керек. 16 сағат күте алмаймын, – дейді.

Әуежай қызметкерлері баратын қаласы 6 сағаттық жерде екенін, қаласа көлік жалдаn бара алатынын айтты.

Хусейни асығыс жолға шығады, бірақ қатты жаңбыр жолды көрсетпей, ақыры соңында селдің салдарынан көлік жолда жүре алмайтын жағдайға жетті.

Дәрігер жолдың шетіндегі ескі бір үйдің есігін қағып, жылдам ішке кірді. Үйде қарт бір әйел отыр еді.

Дәрігер асығыс түрде оған:

– Телефоныңды бере тұршы, қоңырау шалуым керек, – дейді.

Әйел:

– Балам-ау, көрмей тұрмысың? Бұл жерде телефон түгілі электр қуаты да жоқ. Келе ғой біраз демал, тамақ іш, шәй іш содан кейін ол жұмыстарыңды көре жатарсың, – дейді.

Жігіт шарасыз түрде қарт кісінің айтқандарына келісіп, тамақтанып болып демалып отырғанда әйел кісі намаз оқып, ұзақ дұға етіп, Жаратқанға жалбарынумен болды. Жанында бесікте жатқан бір нәресте бар еді.

Дәрігер:

– Мұншалық жылап дұға қылардай не жағдай болды? Мынау кімнің баласы, апатай?, – деп сұрайды.

Қарт әйел:

– Бұл - анасынан да, әкесінен де жетім қалған немерем. Ауыр дерті бар. Жақын маңайдағы ешбір дәрігер емін таба алмады. Ишан Хусейни деген дәрігер бар екен, емін тек сол біледі дейді. Бірақ ол өте алыста, оған жету үшін бірнеше күн жол жүру керек. Аллаһ бұл сәбидің дертін жеңілдеп, шuпасын берсін деп дұға қылудамын, – дейді.

Сол сәтте дәрігер Хусейни көзіне жас алып:

– Орныңнан тұрa ғой апатайым!!! Аллаһу та'ала сенің дұғаңды қабыл қылды. Сенің дұғаң көкте найзағай ойнатып, ұшақты жерге қондырды, аспаннан жаңбыр жауғызып, жер жүзін селге айналдырып, мені сізге алып келді, – деген екен.

Видео ҚҰДІРЕТ канала JÁNNAT JOLY - ЖӘННАТ ЖОЛЫ