СӨЗДЕН ЖЕҢІЛГЕН АТЕИСТ

Имам Ағзам құдайға сенбейтін бір адаммен айтысу үшін түскі уақытқа кездесуге келіседі. Бірақ Имам әдейі ол жиынға кешігіп уақыт созады.
Шыдамы таусылған атеист халыққа қарап :

– Ей мұсылмандар Имамдарың қорқып келмей жатыр, – дейді.

Бір кезде Имам да келеді.

Атейст одан:

– Неге кешіктің? Әлде жеңілемін деп қорықтың ба?, – деп қарқылдап күледі.

Сонда имам:

– Өзеннің арғы бетінде тұр едім, өтейін десем қайық таппадым, бір кезде ағаштар өздігінен жиналып қайық болып құрыла қалды, сол қайықпен өзеннен өтіп келдім, сондықтан кешіктім, – дейді.

Атеист мысқылдап:

– Көрдіңдер ме Имамдарың қалай өтірік айтып тұр, өз-өзінен бір қайықтың жасалуы мүмкін бе?, – дейді.

Хазреті Имам дереу сөзін құптап:

– Ей атеист, бір қайық та өздігінен жасалмайтыны секілді, мына үлкен әлемді де, сені де, мені де жаратқан бір құдыреттің бар екені Хақ, – деп атеистті сөзден жеңген екен.

Видео СӨЗДЕН ЖЕҢІЛГЕН АТЕИСТ канала JÁNNAT JOLY - ЖӘННАТ ЖОЛЫ