İCTİMAİYYƏT DAVİD QARECİ KOMPLEKSİ HAQQINDA NƏ DÜŞÜNÜR

Bu gün RATİ-nin Media Mərkəzində keçirilən mətbuat konfransında Azərbaycanın Qazax rayonu ərazisində yerləşən David Qareci monastır kompleksi (Keşikçi Dağ) ətrafında vəziyyət müzakirə olunub.

"Qafqaz" Araşdırmalar Mərkəzinin rəhbəri Kamran Ramazanov xatırladıb ki, Gürcüstan ictimaiyyəti son günlər kifayət qədər qızğın və fəal şəkildə kompleksin və onun yerləşdiyi ərazinin Gürcüstana verilməsi ilə bağlı təbliğat aparır. "Bu, yolverilməzdir, sözügedən ərazinin itirilməsinin qarşısını almaq üçün təcili tədbirlər görülməlidir", deyə Ramazanov bildirib.

Politoloq Mübariz Əhmədoğlu qeyd edib ki, NATO-nun Çikaqo sammitində Azərbaycan və Gürcüstan prezidentləri bu məsələyə müəyyən düzəliş ediblər. Rəsmi Tbilisi monastır kompleksinin yerləşdiyi ərazinin Azərbaycana məxsus olduğunu təsdiqləyib. Politoloqun fikrincə, bu məsələnin fəallaşmasında Gürcüstanda yaşayan ermənilər də az rol oynamayıb. "Gürcülərin zəif nöqtələrini bilən ermənilər onlarda məharətlə istifadə edirlər. Azərbaycan tərəfinə gəlincə, ictimaiyyət həddindən artıq passiv və biganədir".

Gürcüstanla da Qarabağ müharibəsi kimi münaqişənin başlamasına yol vermək olmaz, deyə politoloq bildirib. Onun sözlərinə görə, Qareci Gürcüstanla münasibətləri gərginləşdirə və bu ölkənin 500 min azərbaycanlı əhalisinin qovulmasına səbəb ola bilər, vaxtilə Ermənistanda olduğu kimi.

Azərbaycan-Gürcüstan əlaqələri cəmiyyətinin rəhbəri Əli Xəlili XII əsrə aid Gəncə qapılarının ərazi və ya monastırla dəyişdirilməsini yolverilməz sayır. O, bu məsələnin araşdırılması üzrə dövlət orqanları və QHT nümayəndələrindən ibarət komissiya təşkil etməyi, habelə tarixçilərin iştirakı ilə forum keçirməyi təklif edib.

"Bütöv Azərbaycan Gənclər təşkilatının sədri Ruslan İzzəti Azərbaycan hakimiyyətini fəaliyyətsizlikdə və bu məsələdə düşünülmüş siyasət aparmamaqda ittiham edib.

Видео İCTİMAİYYƏT DAVİD QARECİ KOMPLEKSİ HAQQINDA NƏ DÜŞÜNÜR канала Obyektiv TV