Ayaqda damar genişlənməsi BU SƏBƏBDƏN yaranır - Ehtiyyatlı olun

Varikozdan tez və asanlıqla, hətta ev şəraitində xilas olmaq mümkündür. Bu, mif deyil, reallıqdır. Bugünkü videomuzda bal, propolis, sarımsaq və digər təbii maddələrə əsaslanan reseptlərə baxacağıq. Heç bir ekzotika və kimya olmayacaq; sizi yalnız təbiətin özündən reseptlər gözləyir.

Varikoz nədir?
Varikoz periferik damarların xəstəliyidir. Xəstəlik özünü damarların uzanması, genişlənməsi, qıvrımların, düyünlərin yaranması ilə göstərir. Maraqlıdır ki, varikoz həm xəstəlikdir, həm də xroniki venoz çatışmazlıq kimi daha ciddi xəstəliyin əlamətidir. Dünyada ən çox rast gəlinən anormallıqlardan biridir və əsasən, yaşlılarda rast gəlinir. Xəstəlikdən ən çox qadınlar əziyyət çəkirlər. Təsəvvür edin ki, qadınlarda varikoz ehtimalı 30-50% olduğu halda, kişilərdə bu göstərici 10-30%-dir.

Varikozun səbəbləri
Varikoz həm yanlış həyat tərzinin, həm də xəstəliyin nəticəsi ola bilər. Xüsusilə, kök, oturaq həyat tərzi keçirən insanlarda əmələ gəlmə ehtimalı çoxdur. Hamilə qadınlar, oturaq və ya ayaq üstə işləyən insanlar da bu siyahıdadır. Bəzən hormonal dərmanların yan təsiri kimi də meydana çıxır. Varikoz tez-tez diabet, böyrək və ürək-damar xəstəlikləri, qəbizlik ilə yanaşı müşahidə olunur.

Şam qozası yağı ilə damar masajı
Professor Neumıvakin varikozla mübarizədə şam qozası yağından istifadəni tövsiyə edir. Bunun üçün barmaqlarınıza bir az yağ götürün və varikoz damarlar boyunca bədəninizi yağlayın, ardınca yüngül masaj edin. Proseduru gündə 2 dəfə təkrarlayın.

Limon kompresləri
Resept 1. Professor Neumıvakin deyirdi ki, varikoz zamanı limon dilimlərini ağrıyan yerlərə sürtmək, üstünü kağız dəsmal ilə örtmək və kompresin möhkəm tutulması üçün üzərinə sarğı qoymaq lazımdır. Kompresi 20 dəqiqə saxlayın. Varikozun kəskinləşməsi zamanı gündə 2-3 dəfə bu cür kompres etmək tövsiyə olunur.

Resept 2. Suda yuyulmuş və 1 saat zeytun yağında isladılmış adi kələm yarpağı götürün. Üzərinə 2-3 çimdik soda səpin və yarım limon sıxın. Bu kompresi zədəli hissədə 20 dəqiqə saxlayın.

Propolis əsaslı məlhəm.
Varikoza propolis məlhəmi hazırlamaq üçün 10-15 qram propolis və 50 qram kərə yağı lazımdır. Propolisi yumşalana qədər əzin, sonra kərə yağı ilə qatın və yaxşıca qarışdırın. Qarışımı odun üzərinə qoyun. Qaynamağa başaladıqda, alovu azaldın və vam odda 5-7 dəqiqə qaynadın. Bundan sonra, qarışımı kənara qoyun, soyudun, cuna ilə süzün. Yaranan məlhəmi zədələnmiş nahiyəyə qoyun.

Sarımsaq vannaları.
Sarımsaqlı ayaq vannası qəbul etməyin prinsipi çox sadədir: ayaqlarınızı isti suya salın, 2 dəqiqə saxlayın, sonra onları 30 saniyəliyə soyuq suya salın. Davamında artıq məlum olan sxemə görə, yenidən isti, sonra soyuq suya batırın. Prosedur 20 dəqiqə davam etməlidir. Bu müddət ərzində ayaqlarınız 10 dəfə isti, 10 dəfə də soyuq suya girib-çıxmalıdır.
İndi isti sarımsaq vannası hazırlamaq üçün reseptə baxaq. 30 diş sarımsağı soyun, əzin, 10 litr qaynar suya əlavə edin. Vam odda, təxminən, yarım saat qaynadın. Sonra ocaqdan götürün və 8 saat gözləyin. Yaranan məlhəmi +40 dərəcəyə qədər qızdırın və vanna edəcəyiniz suya qatın. Vannada su və məlhəm nisbəti ayaqlar üçün 1:7, bütün bədən üçün 1:10, oturmaq üçün isə 3:7 olmalıdır.

Varikoz üçün sadə sarımsaq və bal resepti
Varikoza kömək edən vasitəni hazırlamaq üçün 250 qram sarımsaq və 350 qram bal lazımdır. Sarımsağın qabığını soyun, sürtgəcdən keçirin, üzərinə bal tökün. Yaxşıca qarışdırın və qarışımı qaranlıq yerdə 7 gün saxlayın. Hazır məhsulu gündə 3 dəfə, yeməkdən 30-40 dəqiqə əvvəl, hər dəfə 1 xörək qaşığı olmaqla qəbul edin. Ay yarım ərzində hər gün təkrarlayın. Bir neçə həftə ara verdikdən sonra yenidən müalicə kursuna davam edə bilərsiniz.

Sarımsaqlı məlhəmlərdən ehtiyatla istifadə edin. Bəzi hallarda bu məlhəm əks təsir göstərə bilər. Ehtiyatı əldən verməməli olanlar:
-hamilə qadınlar və süd verən analar;
-qastrit, mədə xorası kimi xəstəlikləri olanlar;
-onikibarmaq bağırsağın xorasından əziyyət çəkənlər;
- qaraciyər, böyrək kimi daxili orqanları ilə bağlı problem yaşayanlar;
-babasilə tutulanlar;
Bal və propolisə, ümumiyyətlə, arı məhsullarına, eyni zamanda, limon suyu və şam qozası yağına qarşı allergiyası olan insanlar da ehtiyatlı olmalıdırlar.

Видео Ayaqda damar genişlənməsi BU SƏBƏBDƏN yaranır - Ehtiyyatlı olun канала Demədi Demə