Siqareti 1 ay Tərgitsək Orqanizmdə NƏ BAŞ VERƏR?

#demədidemə #azerbaycan #siqaret
Siqareti tərgitsəniz orqanizmdə nə baş verəcək?

Siqaret çəkmək ziyanlıdır. Bu faktı siqaret çəkənlər də inkar etmir. Tütün aludəçiləri gözəl bilirlər ki, pul xərcləyərək, acı tüstü alırlar. Nəticədə:
-xərçəngə tutulma riski artır;
-infraktdan, insultdan ölmə ehtimalı çoxalır;
-funksional hərəkətlilik pozulur;

Siqaret çəkməyi dayandıranda, orqanizmdə nə baş verir? Cavab videomuzda...
Son siqaret çəkildi və 20 dəqiqə keçdi. Öncə, arterial təzyiq və ürək döyüntüsü normallaşır. Tütündəki nikotin adrenalin və noradrenalin ifrazını artırır. Onlar neyromediatordur. Yəni:
-qan təzyiqini yüksəldirlər;
-damarları daraldırlar;
-ürək döyüntüsünü artırırlar;
Məhz damarların daralmasına görə, siqaret çəkənlər soyuq havalarda daha çox üşüyürlər.

Son siqaretdən 2 saat sonra: siqaret vərdişinə malik insanda əhval pozğunluğu başlayacaq. O, gərgin, əsəbi, yorğun, yuxulu olacaq. Motivasiya əksikliyi hiss edəcək. Bütün bunlar qəfil meydana gələn dopamin çatışmazlığından yaranır. Nikotin əhvalı yüksəldən, “xoşbəxtlik hormonu” da adlandırılan dopamin istehsalını stimullaşdırır.

Son siqaretdən 8-12 saat sonra: orqanizm tütün tüstüsündə olan dəm qazından təmizlənir, oksigenin səviyyəsi normallaşır. İnsan siqaret çəkəndə, karbon qazı və oksigen qanda bir-birilə “rəqabətə” başlayır. İkisi də, onların daşınmasına məsul olan hemoqlobinlə birləşməyə cəhd edir. Karbon qazı və oksigen arasındakı rəqabət ürək-damar sistemini gücə salır. Bundan əlavə, dəm qazı qırmızı qan hüceyrələrinin artmasına səbəb olur. Nəticədə, qan qatılaşır, təzyiq yüksəlir və qan damarlarının tıxanma riski artır.

Son siqaretdən 1 gün sonra: mənfi simptomlar aydın şəkildə özünü göstərir. Dopamin çatışmazlığı səbəbilə sinir gərginliyi artır. Və siqaret çəkən adam boğunuq şəkildə öskürməyə başlayır. Əslində, bu, yaxşı əlamətdir - bədən ağciyərlərdəki toksinlərdən bu cür xilas olur.

Son siqaretdən 48 saat sonra: orqanizmdə nikotinin və onun parçalanma məhsullarının səviyyəsi nəzərə çarpacaq dərəcədə azalır. Sinir ucları bərpa olunmağa başlayır; insanın dad və qoxu bilmə qabiliyyəti kəskinləşir. Belə ki, tütün qətranı və siqaret tüstüsünün digər məhsulları dad məməciklərindəki qan damarlarının sayını və onların həssaslığını azaldır, həmçinin, qoxu funksiyasını kütləşdirir. Təəssüf ki, uzun illər siqaret çəkənlərdə qoxu və dadlara qarşı həssaslığın itirilməsi həmişəlik ola bilər. Bir sözlə, siqaret çəkməyi nə qədər tez dayandırsanız, yeməkdən və xoş ətirlərdən tam həzz almaq şansınız bir o qədər çox olar.

Son siqaretdən 3 gün, yəni, 72 saat sonra: böyrəklər nikotini və onun metabolitlərinin 90% -dən çoxunu bədəndən çıxaracaq. Bronxlar rahatlaşacaq, nəfəs almaq daha asan olacaq. Eyni zamanda, psixoloji pozulma güclənəcək - artan narahatlıq və depressiya özünü tam şəkildə göstərəcək. Bu ərəfədə ürəkbulanma, baş ağrısı, mədə spazmları da ola bilər. Çətini məhz bu 3 gündür. Siqaretdən uzaq dura bilsəniz, ilk ciddi etapı adlamış olacaqsınız. 3-cü günün sonundan başlayaraq, dopamin istehsalı tədricən normala dönəcək.

Son siqaretdən 5-10 gün sonra: bu müddətdə “dalğa kimi əhval” yaşanacaq. Gündə 1-2 dəfə kəskin nikotin istəyi olacaq. Tab gətirsəniz, 3-5 dəqiqəyə keçib gedəcək. Saat bu mərhələni adlamaq üçün ən yaxşı köməkçidir. Siqaret çəkmək üçün güclü bir istək hiss edirsinizsə, hobbilərinizə vaxt ayırın. Siqaret ehtiyacının tez keçdiyini görəcəksiniz. Bu üsul nəticə vermirsə, əksinə, sizi daha da gərginləşdirirsə, belə məqamlarda diqqətinizi yayındırmağa çalışın. Məsələn; yüngül fiziki məşqlər edin. Onlar psixoloji gərginliyi azaltmağa kömək edəcək və “sevinc hormonu” serotoninin istehsalının artması səbəbiylə əhvalınız yüksələcək.

Son siqaretdən 2-3 həftə sonra: siqareti atan şəxs psixoloji vəziyyətində yaxşılaşma hiss edəcək, siqaret çəkmək istəyi getdikcə daha az olacaq. Bunun səbəbi beyinin müxtəlif hissələrində qəbuledici reseptorların sayının tədricən azalmasıdır. Qəbuledici reseptorların sayının artması siqaret çəkilən dövrdə baş vermişdi. Həmin vaxt proses nikotinin təhrik etdiyi dopamin, adrenalin və norepinefrin artıqlığından qaynaqlanmışdı... Siqaretdən imtinanın ilk həftəsində adı çəkilən hormonların istehsalının təbii həcmi qəbuledici reseptorlar üçün az idi. Yəni, beyin kəskin çatışmazlıq hiss edirdi. İndi, reseptorların sayı azaldıqda, sinir sistemi “dopinq”ə ehtiyac duymadan, tam gücüylə işləyə bilər. Təəssüf ki, illərlə siqaret asılılığı olanlarda bərpa prosesi çox gec başlayır. Məsələn; 4 həftə sonra... Bu cür gecikmə hiss etsəniz, həkimə müraciət etməkdən çəkinməyin. Həkim resepti ilə satılan bəzi dərman preparatları xoşagəlməz simptomlardan yaxa qurtarmaqda sizə kömək olacaq. Bayaq qeyd etdiyim boğunuq öskürək 3-cü həftənin sonunda yoxa çıxır. 4-cü həftənin sonunda ürək-damar sisteminin işi, plazma parametrləri normallaşır. Ürək böhranı, ürək-damar xəstəlikləri, II tip diabet və xərçəng riski əhəmiyyətli dərəcədə azalır.

Видео Siqareti 1 ay Tərgitsək Orqanizmdə NƏ BAŞ VERƏR? канала Demədi Demə