Bu cür Banan görsəniz, ZİBİLƏ ATIN!

#demədidemə #sağlamlıq #banan
Bu cür banan görsəniz, dərhal atın. Banan dadlı və qidalıdır, həm də, potensial təhlükədir. Dayan ey! Bir bədbəxt banan necə zərər verə bilər?! Sizə desəm ki, bəzi bananlar sizi asanlıqla xəstəxana çarpayısına göndərə bilər, yəqin ki, bu haqda daha çox bilmək istəyəcəksiniz. Buna görə də, sizi videomuza baxmağa dəvət edirik.
Kaliumla zəngin bu meyvənin potensial təhlükələrini ortaya qoyan ilk hadisə 2013-cü ildə baş verdi. Hər şey olduqca sadə şəkildə başlamışdı. Böyük Britaniyadan olan 29 yaşlı qadın hər birimiz kimi, özünə bir cüt banan aldı, onlardan birində ağ, tüklü ləkələr gördü. Düşündü ki, bu, göbələkdir. Lakin o, bananın qabığını soyanda yüzlərlə kiçik hörümçək ortaya çıxdı. Bananda deyil, masada, yerdə hörümçəklər qaynaşırdı. Əsl kabus! Qadın tez dezinfeksiya qurumuna zəng etdi, çünki evi qorxu filmindən bir səhnəyə çevrilmişdi. Dezinfeksiya edənlər bu hörümçəklərin braziliyalı gəzərgi hörümçək növündən olduğunu bildirdilər. Ginnesin Rekordlar Kitabına görə, “dünyanın ən zəhərli hörümçəkləri”dir. Onların zəhəri zınqırovlu ilanın zəhərindən 30 dəfə güclüdür. Bu ölümcül hörümçəklər çeşidləmə zamanı bananlarda gizlənərək gəlmişdilər. Ailə təhlükəsizlik məqsədilə 3 gün ərzində evə girə bilmədilər. Təbii ki, bu, bütün ailə üzvlərini çox sarsıtdı və qadın etiraf etdi ki, indi banan almaqdan qorxur. Onu günahlandırmaq çətindir. Düşməninizin belə, başına gəlməsini istəməzdiniz. Yaxşı, bananlar sizin üçün, hələ də, cazibədarlığını itirməyib? Təəssüf ki, bu, yeganə belə hal deyil.
1 il sonra İngiltərə vətəndaşı olan 2 uşaq atası bir dəstə banan alıb, pəncərənin yanındakı meyvə qabına qoyanda hər şey təkrarlandı. Bir neçə gün sonra ev sahibi dəhşətli mənzərənin şahidi oldu. Pəncərənin qarşısı və bütün pərdələr minlərlə hörümçəyin qaynaşdığı ağ ləkələrlə bəzənmişdi. Təbii ki, dərhal dezinfeksiya ediciləri çağırdı. Ailə dərhal evi tərk etdi. Onlara yalnız 3 gündən sonra evə qayıtmağa icazə verildi. Lakin bu dəfə mütəxəssislər hörümçəklərin növünü müəyyən edə bilmədilər. Çünki onlar çox kiçik idilər.
2017-ci ilin may ayında 30 yaşlı ingilis qadın oxşar kabusu yaşadı. O, bir bananın qabığını soymaq istəyirdi, lakin bananın üzərində ağ yumurtalar dolu kisə olduğunu gördü. Birdən kisə açıldı və yüzlərlə yeni doğulmuş hörümçək onun qollarından aşağı qaçdı. Hekayənin sonu eynidir. Qadın və onun 7 aylıq oğlu 3 günlük evdən ayrılmalı oldular. Bu hörümçəklərin hansı növə aid olduğunu təxmin edin. Hə, doğru bildiniz: braziliyalı gəzərgi hörümçək.
Bəs, hörümçəklər Amerikadan gələrkən, gömrükdə onların vizalarını yoxlamırlar?
Nə isə... Zəhərli hörümçəklər, nəinki, qidalarımızın görünən yerlərində ola bilər, həm də, yeməklərimizin içində gizlənə bilər. 2018-ci ilin iyun ayında ABŞ-da bir qadın yerli mağazadan aldığı üzüm torbasının içində bədnam və ölümcül qara dul hörümçəyini tapdı. Ən pisi odur ki, o və oğlu bu dəhşətli tapıntını aşkar edəndə artıq üzümün gilələrinin yarısını yemişdilər. Yaxşı ki, heç kim zərər görmədi. Ancaq vəziyyəti təsəvvür edin! Bu, hər kəsin başına gələ bilər.
Mütəxəssislər deyirlər ki, banandakı hörümçəklər, əslində, yaxşı əlamətdir. Çox güman ki, bu, sadəcə olaraq, təsərrüfatda zərərvericilərə qarşı mübarizədə bioloji üsullardan istifadə edildiyini göstərir. Bu mübarizədə hörümçəklər kömək edir. Amma yenə də, kim şirəli meyvəyə dişini batırıb, meyvə yerinə bir ağız dolusu hörümçək almaq istəyər ki?!. Mən bunun, ümumiyyətlə, baş verməməsini istərdim. Ona görə də, mağazadakı meyvə və tərəvəzləri almazdan əvvəl, diqqətlə yoxlayın. Əgər onların üzərində və ya hətta ətrafdakı meyvə və ya tərəvəzlərin üzərində qəribə ağ ləkələr görsəniz, onları ərzaq səbətinizə qoymağı ağlınıza belə, gətirməyin. Ümumiyyətlə, ən yaxşı bananların seçimi onlardan nə vaxt istifadə edəcəyinizdən asılıdır. Yaşıl bananların yavaş-yavaş yetişdiyini, sarı yetişmiş bananların isə kifayət qədər tez qəhvəyi rəngə çevrildiyini unutmayın. Meyvədə qəhvəyi ləkələrin və ya zədələrin olub-olmamasını yoxladığınızdan əmin olun. Çünki belə meyvələri evə gətirməklə qarşılaşacağınız bir sıra təhlükələr var. Narahat olmayın, yararlı meyvəni seçmək üçün lazım olan bütün əlamətləri sadalayacağam.
1. Alma. Alma alarkən, onların üzərindəki hörümçəklərdən narahat olmaq lazım deyil. Ən azından ona görə ki, bu meyvələrdə hörümçəklərin görünməsi ilə bağlı heç bir fakt yoxdur. Lakin təsadüfən çürük və ya kiflənmiş alma istifadə etsəniz, sonra xəstələnə bilərsəniz. 1 alma kiflidirsə, tezliklə kif bütün digər almalara yayılacaq. Buna görə də, heç bir tərəddüd etmədən kiflənmiş alma almayın və yeməyin. Üstəlik, meyvədə deşiklər görsəniz, götürməyin. Bu deşikləri kif və böcəklər yaradır. Yaxşı alma bərk, parlaq rəngdə və xoş qoxuya malik olmalıdır.

Видео Bu cür Banan görsəniz, ZİBİLƏ ATIN! канала Demədi Demə