Faydasını Bildikdən Sonra Hər Gün Yeyəcəksiz

#demədidemə #sağlamlıq #qarın
Milli yeməyimiz olan xaş soyuq fəsillərin ən sevimli səhər yeməyi sayılır. Bununla belə, xaşı günün istənilən saatlarında yemək mümkündür. Bir də var, kəllə-paça qatılmadan bişirilən qarın şorbası. Bu gün sizə məhz qarın şorbasından danışacağam. Qarın şorbasının insan orqanizminə faydası çoxdur. Xüsusilə, immun sisteminin möhkəmlənməsinə təsir edir. Qida dəyəri də olduqca yüksəkdir. Tərkibindəki minerallar sayəsində mədənin turşuluq səviyyəsini nizamlamaq qabiliyyətinə malikdir. Bu minerallara misal kimi, kalsium, maqnezium, fosfor və dəmiri göstərmək olar.
Ümumiyyətlə, qarın şorbası:
-Antioksidant tərkiblidir, xərçəngdən qoruyur;
-Kollagen istehsalını artırır, toxumalardakı xəsarətləri qısa müddətdə aradan qaldırır;
-Dəri və saç sağlamlığını qoruyur;
-Malik olduğu kalsium, fosfor, maqnezium, dəmir, B12 vitamini sayəsində immuniteti möhkəmləndirir;
-Protein qaynağıdır, əzələləri qoruyur və onların böyüməsinə müsbət təsir edir;
-Enerji qaynağıdır, toxluq hissi yaradır;
-Tərkibində bol miqdarda lif var, mədə-bağırsaq traktatının işini yaxşılaşdırır, həzmi nizama salır, metabolizmanı sürətləndirir;
-Sinir hüceyrələrini yeniləyir, stress və depressiyaya meyilliliyi azaldır;
-Görmə qabiliyyətini yaxşılaşdırır;
Qarın şorbası hansı xəstəliklər zamanı müalicəvi təsir edir?
Xüsusilə, bakteriya və viruslarla mübarizə aparmaqda orqanizmin yaxın köməkçisidir. Əzələ toxumasına malik olduğu üçün tərkibində bol miqdarda kalsium var. Buna görə də, sümüklərin və əzələlərin inkişafına müsbət təsir edir. Antioksidant xüsusiyyəti sayəsində sərbəst radikalların orqanizmdə aktiv hərəkət etməsinə mane olur. Metabolizmanı sürətləndirir, nəticədə, qaraciyərin yağlanmasının qarşısını alır. Xüsusilə, hamiləlikdə qarın şorbası yemək faydalıdır.
Arıqlamaq üçün pəhriz proqramı hazırlanarkən şorbalara üstünlük verilir. Yəni, qarın şorbasını da pəhriz proqramına sala bilərsiniz. Yüksək qida dəyərinə malik şorba uzun müddət toxluq hissi yaradır. 1 kasa şorbada 278 kalori var.
Qarın şorbası xolesterol səviyyəsini nizamlayır. Təbii ki, lazımi miqdarda qəbul etməklə buna nail olmaq mümkündür.
Bayaq qeyd etdim ki, hamiləlikdə qarın şorbası yemək faydalıdır. Amma burda diqqət ediləsi məqamlar var:
-Qarın diqqətlə təmizlənməlidir;
-Bol miqdarda yağ və xolesterola malik olduğuna görə, ölçülü şəkildə yeyilməlidir;
Hamilə qadınlar qarın şorbasını yeməzdən öncə, həkimlə məsləhətləşsə, daha yaxşı olar. Çünki həddən artıq yağ qəbulu hamiləlik zamanı bəzi problemlər yarada bilər. Yaxşı təmizlənmədən bişirilən qarın ana ilə bərabər, dölün sağlamlığı üçün də təhlükəli sayılır. Bütün bunlar nəzərə alındıqdan sonra, həkimin nəzarətində yeyilən qarın şorbası gələcək ananın da, doğulacaq körpənin də immunitetini möhkəmləndirir. Üstəlik, zəngin tərkibi sayəsində ananın, dolayısı ilə, uşağın ehtiyacı olan mineralları təmin edir.

Видео Faydasını Bildikdən Sonra Hər Gün Yeyəcəksiz канала Demədi Demə