Həkimlər Şəkər Xəstələrindən bunu niyə GİZLƏDİR?

#diabet #şəkər #demədidemə
Yəqin ki, şəkərli diabet zamanı hansı qidalardan uzaq durulmalı olduğunu bilirsiniz. Bəli, həkimlər şəkər xəstələrinə nəyi yeməməli olduqlarını xatırladır. Və onlar zamanla qidaların qlisemik indeksini əzbərləyirlər. Bir sözlə, şəkər xəstəliyinin mövcudluğunda “edilməməlidir” başlıqlı siyahılar hazırlanır...
Lakin bunu eyninizə almamaq şansınız da var. Çünki şəkərli diabeti idarə etməyə, hətta qarşısını almağa kömək edə biləcək sağlam və ləzzətli inqridientlərdən ibarət bir dünya var. Bu gün sizə rasionunuzu çox çeşidli və sağlam etmək üçün, həmçinin, diabetlə mübarizə aparmaq üçün 10 gözəl qidadan danışacağam.

10. Sızma zeytun yağı. Yemək bişirmək üçün ən sağlam yağ sızma zeytun yağıdır. Onun tərkibində yüksək miqdarda antioksidantlar, unikal olein turşusu var. “Yaxşı xolesterol” olan lipoproteinlərin sıxlıq səviyyəsini artırır. Eyni zamanda, olein turşusu “pis xolesterol”un səviyyəsini azaldır. Zeytun yağı şəkərli diabet xəstələrində çox rast gəlinən ürək xəstəliyi riskini də minimuma endirir.

9. Pomidor. Baxmayaraq ki, dietoloqlar pomidoru tərəvəz kimi təsnif edirlər, o, bir meyvədir. Tərkibindəki likopen diabetlə müşahidə olunan xərçəng, ürək xəstəliyi və görmə qabiliyyətinin zəifləməsi riskini azaldır. Bundan əlavə, pomidorda nişastasız təbii şəkər var ki, diabet xəstələri üçün uyğundur. Pomidor A, E və K vitaminlərinin təbii mənbəyidir. Tədqiqatlar göstərir ki, gündə 1 pomidor yemək II tip diabet xəstələrində qan təzyiqini aşağı salır.

8. Sarıkök. İnsanlar bu heyrətamiz bitki üçün gözəl istifadə sahələri tapırlar. Sarıkökdə iltihab əleyhinə xüsusiyyətlərə malik olan kurkumin (curcumin longa) var. Ədvanın müntəzəm şəkildə istifadəsi bədəndəki iltihabı azaldır. Bu da insulin həssaslığının yaxşılaşdırılması üçün çox vacibdir. Sarıkökün antioksidant xüsusiyyətləri orqanizmdəki sərbəst radikallarla və oksidativ stresslə mübarizə aparmağa kömək edir, bununla da, xərçəng riskini azaldır.

7. Alma sirkəsi. İnsanların çoxu alma sirkəsini sehirli vasitə hesab edir. Acqarına sirkə qatılmış su içməyin bədənin insulinə həssaslığını yaxşılaşdırdığı və qanda şəkərin səviyyəsini aşağı saldığı elmi cəhətdən sübut edilib. Alma sirkəsi, həmçinin, ürək xəstəliyi riskini azaltmağa, “pis xolesterol”dan qurtulmağa, arıqlamağa və diabet xəstəliyini yaxşılaşdırmağa kömək edir. Sirkənin tərkibindəki prebiotiklər bağırsaqların sağlamlığını qoruyur. Bu da, öz növbəsində, diabetin təsirləri ilə mübarizə aparmağa kömək edə bilər. Alma sirkəsi mədənin boşalmasını ləngidir və həddindən artıq yeməyin qarşısını alaraq toxluq hissinin müddətini uzadır.

6: Sarımsaq. Sarımsaq yemək qanda şəkərin səviyyəsini aşağı salır-bu, minilliklərdir ki, bəşər övladına məlumdur. Tərəvəz iltihabı və “pis xolesterol”un səviyyəsini azaldır. II tip diabetdən əziyyət çəkən insanlarda qan təzyiqini stabilləşdirmək də sarımsağın hünərləri sırasındadır. Yaxın illərdə sarımsaqla bağlı aparılan elmi araşdırmalardan biri diqqət çəkib. Həmin araşdırma zamanı 12 həftə ərzində hər gün rasionuna sarımsaq daxil edilən insanlar müşahidə edilib. Sonda məlum olub ki, həmin insanların qan təzyiqi 10 vahid azalıb. Üstəlik, sarımsaq karbohidrat mübadiləsində iştirak edən və ürək xəstəliyi riskini azaldan B6 vitamini ilə də zəngindir.

5. Qoz. Qoz və fındıq malik olduqları lif sayəsində həzm sistemi orqanlarının işinə kömək edir. Aşağı qlisemik indeksləri, yüksək qida dəyərləri isə qoz və fındığın diabetlə mübarizədə qalib gəlməsinin səbəbidir. Son illərdə aparılan araşdırmalar bir daha sübut etdi ki, qoz yemək diabet riskini azaldır. Tərkibindəki Omeqa-3 yağ turşuları qoza qanda “pis xolesterol”un səviyyəsini aşağı salmaq imkanı verir. Qozda, həmçinin, L-arginin amin turşusu var. Bu maddə damarları gücləndirir və qan təzyiqini idarə etməyə kömək edir. Qoz maqnezium, dəmir və sink kimi minerallarla zəngindir. Antioksidant və iltihab əleyhinə xüsusiyyətləri isə onun güclü xərçəng əleyhinə vasitə olmasının səbəbləridir.

4. Brokoli. Kələmkimilər fəsiləsinin bu növü aşağı kalorili, az karbohidratlıdır və xəstəliklərlə mübarizə aparan maddələrlə doludur. Xüsusilə, brokolinin tərkibində sulforafan maddəsi var ki, qan dövranı sistemini qoruyan fermentlərin yaranmasında iştirak edir. Şəkərli diabet xəstələrinin ürək-damar xəstəliklərinə tutulma riski sağlam insanlara nəzərən 5 dəfə çoxdur. Çünki qanda yüksək miqdarda olan şəkər damarların bütövlüyünü və elastikliyini pozur. İsveçrədə aparılan bir araşdırmada məlum olub ki, brokolinin gündəlik istehlakı qanda insulin səviyyəsini, orta hesabla, 10% azaldır. Yalnız bir nüans var - ən faydalı brokoli təzə və yüksək temperatura məruz qalmamış brokolidir.

Видео Həkimlər Şəkər Xəstələrindən bunu niyə GİZLƏDİR? канала Demədi Demə