Қызылорда облысында СOVID-тің екінші толқынына дайындық жұмыстары күшейтілген

Қызылорда облысында СOVID-тің екінші толқынына дайындық жұмыстары күшейтілген. Әкімдік халыққа бірінші кезекте қажет дәрі-дәрімектің екі айлық қоры жасақтап қойыпты. Карантиндік шектеулерге қарамастан, облыста жыл басынан бері мемлекеттік бағдарлама аясында 19 мың адам жұмысқа орналасты. Сөйтіп аймақта жұмыссыздық деңгейі бес пайызға жеткен.
Қызылорда облысының 21 инфекциялық стационарда 3200 төсек орнын дайындауға мүмкіндігі бар. Жақында 200 төсекпен жабдықталған жаңа модульдік инфекциялық аурухананың құрылысы да аяқталады. Облыстық көпбейінді ауруханада оттегі станциясы іске қосылса, Қазалы ауданында тағы бір станция пайдаланылуға берілмек. Індетпен күресте өкпені жасанды желдету аппаратының саны 244-ке дейін артқан. Оған қоса 9 ПТР, 60 рентген аппараты, 682 оттегі концентраторы бар.
ГҮЛШАРА ӘБДІҚАЛЫҚОВА, Қызылорда облысының әкімі:
– Денсаулық сақтау саласында аудандық орталық ауруханалар салу мәселесі түбегейлі шешілді. 2024 жылға дейін 62 алғашқы медициналық санитарлық көмек нысанын жаңғартуды жоспарлап отырмыз. Осылайша бұл мәселе шешіледі.
Облыс экономикасының да көрсеткіші жақсы. Биыл күріштің әр гектарынан 62 центнерден өнім алынып, қамбаға 550 мың тоннадан астам күріш жиналыпты. Сыр елінен алғаш рет Германияға 420 тонна қамыс, Ресейге жаңа піскен қызанақ пен мұздатылған көкөніс жөнелтілген.
ГҮЛШАРА ӘБДІҚАЛЫҚОВА Қызылорда облысының әкімі
– Мал шаруашылығын да өткен жыл өңірде ірі қара мал басы 4,4% - ға, қой мен ешкі - 5,5% - ға, жылқы-8,5% - ға, түйе-5,3% - ға өсті. Негізгі міндет жайылымдылық шаруашылықта пайдалануға болатын жайылымдардың телімділігін арттыру.
Сонымен қатар әкімдік балық шаруашылығын дамытуды көздеп отыр. Ол үшін балық шаруашылығын дамытудың өңірлік бағдарламасы қабылданды. Оны іске асыруға 28 млрд.теңге бөлінбек.
Лаура Биғали, Рахымжан Ысқақов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31

Видео Қызылорда облысында СOVID-тің екінші толқынына дайындық жұмыстары күшейтілген канала Информбюро 31