Аязды күнде шиеттей балалармен далада қалған тұрғындар көмек сұрайды

Нұр-Сұлтанда 100-ге жуық отбасы жағдайларын айтып көмек сұрайды. Өйткені тұрғындар бірнеше жыл бойы жалға алып келген жатақхана сатылып кеткен екен. Енді аязды күні шиеттей балаларымен бірге қарттарын сүйреп қайда баратындарын білмей отыр. Толығырақ әріптесім Ақбота Базарбай айтып бермек.
"Үйді босатыңдар" дегенді бірер күн бұрын ғана естіген тұрғындар тығырыққа тірелгендерін айтады. Оған дейін жатақхананың сатылымда тұрғанын білмеген. ¤WA3 3996
Ұзақ уақыт тұрып келген олар, балаларын жақын маңдағы мектептерге орналастырып, осы маңдағы балабақшадағы көптен күткен кезектері де жақындаған. Енді қыс ортасында бала-шағамызды қайда апарамыз деп ашынады.
ҚҰРМАНГҮЛ ОРАЗЫМБЕТОВА, Тұрғын:
– Аязды өздеріңіз көріп тұрсыздар. Сондықтан бізге осы майдың аяғына дейін, осы оқу біткенше осы жерден отоплениені суды, ыстық су, мұздай су бәрін өшірмей, бізге осы мүмкіндікті берсе, біз содан кейін осы общежитиені босатып берер едік.
– ГҮЛҚАЙША БИСЕКЕЕВА, Тұрғын:
– Баратын жер болса, осындай жерде тұрамыз ба? Бірде жылытады, бірде жылытпайды. Суы тастай.
Аядай бір бөлмені 75 мың теңгеге жалдап отырған тұрғындар "үй иесі енді күшпен кетіруге көшті" дейді. Ыстық суды тоқтатып, жылуды сөндіріп тастайды екен. Бұл тек техникалық ақауларға байланысты болған жайсыздықтар деген жатақхана әкімшісі нысан жекеменшіктен мемлекет құзырына өткенін айтты.
РАУАН РАХИЯНОВ, жатақхана әкімшісі:
– Біз 1-іне дейін тапсыруымыз керек по договору обьектіні. А дальше ол кісі ремонт жасай ма или басқа сала бола ма? Вообщем 1-інен бастап, ол кісі өзі айналысады.
Алайда, 3-4 баламен пәтер таппай сандалған жұрт, әкімшілік есігін қағып барғанда, "біз ештеңе шеше алмаймыз" деп қайтарыпты. Ал, бүгінгі шудың ортасына аудан әкімінің өкілі шақыртпастан өзі келді.
НҰРМАН АБДРАИМОВ, Алматы ауданы әкімшілігінің бас инспекторы
– Толықтай ақпаратты жатақхана иесінен білмейінше, оның шешімі қандай болатынын айта алмаймын. Бірақ осында тұрған халықтарға жақын арадағы жатақханалармен сөйлесіп, ешқайсысын көшеде қалдырмау ол біздің мұратымыз.
Наразы жұрттың ендігі жатақхана иесінен бар сұрайтындары балалардың сабағы аяқталғанша, аяз қайтып, күн жылынғанша уақыт беру.
Ақбота Базарбай, Нұркен Тоқмурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#баспанасыз_халық

Видео Аязды күнде шиеттей балалармен далада қалған тұрғындар көмек сұрайды канала Информбюро 31