«Сөз Сізде» жобасы Жамбыл облысында! Халықтың мұңы не?

Бұл жолы «Сөз сізде» жобасы аясында Информбюро тілшілері Жамбыл облысы тұрғындарын тыңдады. Біз айтқан жерге белгіленген уақытта отызға жуық тұрғын келді. Кейбірі бүтін бір алқап, аудан халқын толғандырған проблемаларды айтса, бірі жеке мәселесін жеткізді. Жиналған көпшілік пәтерлердің құжатын ала алмау, жер кезегі, жұмысқа орналасудың қиындығы секілді көптеген тақырыптарды көтерді. Қазір ел айтқан мәселелерге қатысты жауап беру үшін бізбен тікелей байланысқа Тараз қаласы әкімінің орынбасары Асхат Есеналиев мырза шығып отыр. Сәлеметсіз бе?! алдымен халықтың шағымын тыңдап алсақ.
Болатбек Әлімбеков 2006 жылы жер кезегіне тұрған екен. Содан бері 16 жыл өтсе де кезек жылжымаған. Ал биыл 2005-2006 жылдары кезекке тұрған 1600 адамға ешқандай жағдай жасалмаған қаланың шетіндегі бір ауданнан жер берілетінін білген. Бірақ шенеуніктердің инфрақұрылым жүргізілген жерлерді не үшін үлестірмей отырғанын түсінбейді. Тыңдайық...
БОЛАТБЕК ӘЛІМБЕКОВ, Тараз қаласының тұрғыны:
– Жаңағыдай частный сектор болды. Коттеджный городок болады деді. Енді сол тұр. Пәленбай гектар. Неге соны халыққа бермейді. Не әкімге кіре алмаймыз. Кірейін десең то больничныйда дейді. То анау деді. Жер комитетінің бастығына бардық ол жерде де сондай.
Назтай Кеңбаеваның айтуынша, алты жыл бұрын қала құрамына кірген «Құмшағал» округінің тұрғындары күні бүгінге дейін жарық пен жылуға көтерілген тарифпен ақша төлейді. Салықты да екі рет төлеуге мәжбүр. Яғни, қалаға бір, кооперативке бір.
НАЗТАЙ КЕҢБАЕВА, Тараз қаласының тұрғыны:
– Әр массив әр қалай налог төлейді. Пенсионер кісілер бар. Көпбалалы аналар бар. Бір массив 18 мыңға дейін налог төлейді. Қазір пока төлеп отырмыз кооператив арқылы. Сумма өте үлкен. Бір массивтерде 26 теңгеден төлейді киловаттына. Бізде 24-23 теңгеден төлеп жатырмыз.
Бүгін жиналғандардың ішінде екінші, үшінші топтағы мүгедектігі бар тұрғындар да болды. Олар әсіресе, көру қабілеті нашар немесе мүлде көрмейтін азаматтарға қоғамдық көліктегі жол ақысын тегін қылу туралы өтініш айтты. Ал жүріп-тұруы қиындары тым болмаса 50 пайыз қылып бекітіп, қарайласса дейді. Мәселен, Нұршакүл Халила екінші топтағы мүгедек екен. Жасы 51-де. Айтуынша, қазір оны ешқандай мекеме жұмысқа алмайды. Әлеуметтік көмек те көрсетілмейді.
НҰРШАКҮЛ ХАЛИЛА, Тараз қаласының тұрғыны:
– Бір мен екіге жұмыс істеуге рұқсат берілген жоқ қой. Сонда менің трудовойымды алып қалды. 2014-те 44 жасымда менің трудовойымды қолыма беріп, жұмысқа бара ғой. Ал 44 жаста мені кім алады жұмысқа? Менің көше тазалауға шамам келе ме? Көріп тұрсыз ғой қазір түрімді. Қандай екенімді.
Жамбыл облысы «Сөз сізде» жобасы аясында назын, арызын айтуға келгендердің қарасы қалың болды. Арасында Үкіметке ұсыныс айтқандар да кездесті. Әсіресе, бірнеше бала тәрбиелеп отырған жалғызбасты аналар жылдап алимент төлеуден жалтаратын азаматтарды ата-ана құқығынан айыру қажет дейді. Себебі көбіне аурушаң баласын емдету үшін немесе басқа да жағдайлар да оны іздеп, рұқсат алуға міндетті екен. Бұдан бөлек те тараздықтар көптеген мәселелер көтерді. Біз алдағы айтылған әрбір проблеманы назарда ұстайтынымызды айтқымыз келеді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#СөзСізде #Тараз #халықпен_диалог

Видео «Сөз Сізде» жобасы Жамбыл облысында! Халықтың мұңы не? канала Информбюро 31