Мусулмандардын экономикалык күчү

Дал ушул Бану Надир салгылашуусу аркылуу Пайгамбарыбыз САВ өз үммөтүнө экономикалык кармаштын эң сонун үлгүсүн көрсөтүп кеткен. Эгерде 14 кылым мурун дин душмандарынын курма дарактары өздөрүнүн эле короосунда өссө, учурда душмандын дарактары мусулмандардын үйүндө өсүп жатат. Ал дарактар биздин үйүбүздө азык-түлүк, кийим-кече, колдонулган товарлар катары өнүп-өсүп келүүдө. Нечен деген мусулмандар үммөткө эмне кыла алам деген мүдөө менен жашайт, бирок мусулмандардын өндүргөн товарын алууга эрки жетпейт. Учурдагы согуш көбүнесе аскердик күч эмес, экономикалык жаатта уланат. Жер шаарында 1 млрд 700 млн мусулман жашаса, демек бул 1 млрд 700 млн кардар дегенди билдирет. Мынчалык көп кардар менен менмин деген экономикалык державалар да эсептешүүгө мажбур болушат. Болгону мусулмандар ошол колундагы күчүн жана кубатын билбейт, билсе да кайдыгер. Түркия лидери Режеп Тайип Эрдогандын бул сөзү аны тастыктап турат: “Батыш мусулмандарды жек көрсө да, бирок мусулмандардын акчасын сүйөт”.

Видео Мусулмандардын экономикалык күчү канала ТЕЛЕСКОП КАНАЛЫ