Чөл арстаны - Умар Мухтар

2009-жылдын, июнь айы. Бир мезгилде Италиянын колониясы болгон Ливиянын лидери Муаммар Каддафи расмий сапары менен Римге учуп келет. Негизги максаты көптөгөн жылдардан берки муздап калган мамилелерди оңдоо болсо да, Каддафи батышты эки нерсе менен таң калтырган. Сыйлуу конок катары жанына 80 жашка таяп калган Ливиянын италиялык баскынчыларга каршы күрөшүнүн эң көрүнүктүү лидеринин уулун жетелеп, ошол эле лидердин сүрөтүн көкүрөгүнүн оң жагына жармаштырып алат. Бул нерсе италиялыктарга өтмүштөгү алардын баскынчылык саясатын эскертип турган. Ошол мезгилдеги Италиянын премьер-министри Силвио Берлускони Ливия элинен жана италиялыктар тарабынан өлтүрүлгөн лидердин уулунан кечирим сурайт. Жана да расмий Рим 1911-1943 жылдар аралыгындагы кыргынды моюнга алып, 6 млрд доллар репарация, башкача айтканда кун төлөп берүүгө убада берген. Муаммар Каддафи көкүрөгүнө сүрөтүн тагып, өз өмүрүндө аны пир туткан ошол инсан ким эле?

Видео Чөл арстаны - Умар Мухтар канала ТЕЛЕСКОП КАНАЛЫ