Жер шары кичирейүүдөбү?

Ыйык Куран. Ар бир аяты көптөгөн маанини камтыган, адамды өнүктүрө турган көптөгөн тараптарды өзүндө алып жүргөн Аллахтын сөзү! Ооба Куранда бир эле аяттын көптөгөн маанилери бар. Биз көбүнесе бул аяттардын сырткы мааниси менен эле чектелип калып кетебиз. Мезгилдин өтүшү менен, илим-техниканын өнүгүшү, жаңы ачылыштардын ишке ашуусу менен Куран аяттарынын улам жаңы маанилери ачыка чыгууда. Илимий жактан эле эмес, андан башка дагы тармактарга тиешелүү болгон маани маңыздарды өзүндө ташып жүрөт. Жашы 1400 жылдык болгонуна карабай барган сайын жаңырууда, жашарууда. Бүгүн дагы Курандан эки илимий тараптан ачыкталган аятты карап көрөлү. Анбия сүрөсүнүн 44-аятында Аллах мындай дейт:
“Алар көрбөй жатабы, Биз жердин айлана-тегерегин жонуп, кыскартып жатабыз го?!” (Анбия сүрөсү 44-аят)
А.э. Раад сүрөсүнүн 41-аятында болсо:
“Биз (алардын) жерге келип, ар тарабынан кыскартып жатабыз.” (Раад сүрөсү 41-аят)-деп айтат.
Албетте бул аяттар өзүнө көптөгөн маанилерди камтыйт. Ал маанилердин бирөөсүн, илимий жагын карап көрөлү.
1-аятта “жердин айлана тегерегин кыскартып жатабыз”-десе 2-аятта “ар тарабынан кыскартып жатабыз”-деп жатат. “Кыскартып жатабыз”-дегенде эмнени түшүнөбүз. Геодезиянын, геономиянын көз карашы менен карап көрөлү.
Жер шарынын экватор сызыгы боюнча радиусу 6378,5 км. А.э. полярдык радиусу болсо 6357 км. Экөөнүн ортосунда айырмачылык дээрлик 0.3% болуп саналат. Аяттарда “кыскартып жатабыз”-дегенде ушул айырмачылыка ишарат кылып айткан. Т.а. айланасы кыска болуп жатат. Бүткүл жагы бирдей болгон жок. Түндүк жана түштүк уюлдар бираз жалпагыраак болсо, экватордук жагы бираз узунураак, жоонураак. Айрыкча бул аяттарда Аллах Таала “нанкусухаа” т.а. “Кыскартып жатабыз”-деп айтууда. Эмне үчүн өткөн чак менен “Кыскарттык”, “Кыскартканбыз”-деген жок. Эмне үчүн учур чак менен “Кыскартып жатабыз”-деп айтууда. Демек аяттын айтуусу боюнча кыскартуу иши дагы деле уланып жатат. Токтогон жок. Эгерде “кыскарттык”-деп койгондо жер шары жаратылган күндөн бери эч өзгөрүүсүз турат деген мааниге келип калмак. А “Кыскартып жатабыз”-сөзү болсо белгилүү бир мөөнөттүн ичинде ишке ашкан бир абалды туюнтууда. Б.а. кыскартуу токтогон жок, дагы деле болуп жатат. Курандын бул кереметтүү фактылары учурда илимий жактан да көрүлүп тастыкталууда. Жер шарынын түндүк уюл жактан радиусунун кыска болуусу учурда да уланып жатат, кыскарып жатат. Тээ мурда кыскарып калган, ошол бойдон токтоп калган жок. Тескерисинче азыр да кыскарып жатат. Процесс дале уланууда. Ошол эле кезде жер шары жаратылган убакта азыркыдай абалда эмес болчу. Убакыттын өтүшү менен айланасы кыскарып олтурган.
Аяттарга дагы башка бир өңүттөн карап көрөлү. Космостук чаңдар бул - космостон жер бетине түшкөн чаңдар. Жер бетине күнүн 60 тоннадан 100 тоннага чейин космостук чаңдар түшүп турат. А жылына 25-40 тоннага чейин чаңдар түшүп турат. Натыйжада жердин массасы көбөйө берет. Бирок бул чаңдар жердин айлануусунун натыйжасында кайра эле космоско көтөрүлүп кетет. Жердин массасы кайра азайып турат. Аяттардагы кыскартуу бул процесске да кереметтүү түрдө ишарат кылууда.
Бул аяттарда дагы башка бир илимий өңүттөн карап көрөлү. Дүйнөлүк климаттын глобалдык деңгээлде жылышынын натыйжасында Түндүк жана түштүк уюлдардагы муздар ээрип окендарды толтурууда. Толуп ташкан океан суусу болсо жер бетин акырындан каптап баратат. Натыйжада аятта айткандай жер бети азайууда, кичирейүүдө. Аяттарда бул процесске “ар тараптан кыскаруудабыз”-деп ишарат кылууда.
Дагы башка жактан алып карай турган болсок “кыскаруудабыз”-сөзү жердеги кен-байлыктардын барган сайын азайып, түгөнүп бараткандыгына ишарат кылат.
Мынакей оо менин бир тууганым! Эки аяттын бир канча илимий чечмеленишине күбө болдук. 1400 жыл мурун жер шарынын радиусу эмес, атүгүл жер шарынын формасы тууралуу да ой жүгүртө албаган бир доордо мындай кереметтүү илимий логикалык аяттардын Пайгамбарыбыз САВ аркылуу адамзатка жетүүсү ушуну далилдейт. Демек Ыйык Куран бул-Аллах Тааланын сөзү. Ал эми Ал Ыйык сөздөрдү адамзатка жеткизүүчү зат Пайгамбарыбыз САВ болсо Аллахтын кулу жана элчиси. 21-кылымдын илим-техникасы араң ача алган илимий фактыларды 14 кылым мурун айтып коюу бул Курандын өтө көптөгөн кереметтеринин бири. Бул кыскаруулар тууралуу илим техника өнүккөн доордун биз жашоочулары да толук билбейт элек бу күнгө чейин.
Демек жер шарынын айланасынын токтобостон улам кыскарып турганы сыяктуу эле Куран да акыйкаттарынын ачыка чыгуусу менен улам жаңырып, жашарып турат.
А биз мусулман жаштары болсо өз кесибибиз жактан Куран акыйкаттарын изилдеп, үйрөнүп, ошол жаатта мээнет кылуубуз абзел. Чынында кыла турган ишибиз өтө көп, убактыбыз өтө аз.

Видео Жер шары кичирейүүдөбү? канала БЕЙИШ НУРУ