ԷՐԴՈՂԱՆԻ ՀԱՐՑԸ ԼՈւՐՋ Է․ Մակրոնը կոչ է արել կոշտ պատժել Թուրքիային․ Կարևոր հանգամանք հօգուտ Հայաստանի

ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանի խոսքով` դեռևս դժվար է ասել, որ կլինեն Արևմուտքի կողմից համատեղ գործողություններ Թուրքիայի դեմ` ի պատասխան Արևելյան Միջերկրականում վերջինիս գործողություններին:
Նա Tert.am-ի հետ զրույցում նշեց` վերջնական գործողություններն օրակարգում չեն, բայց որ նրանց մոտ դրված է Թուրքիայի քաղաքականության հարցը, և այդ տարածաշրջանում նրա քայլերը դարձել են քննարկումների առարկա Արևմտյան կառույցներում, արդեն փաստ է:
«Եվրամիության տարբեր անդամներ են պահանջում, որ կառույցը համատեղ գործի, պատժամիջոցներ սահմանի Թուրքիայի դեմ: Այնպես որ արդեն քննարկումների մակարդակին է հասնում Թուրքիայի արգրեսիվ քաղաքականությունը»,- ասաց նա:
Հիշեցնենք, որ Թուրքիայի հարաբերությունները Միջերկրական ծովի արևելյան հատվածի պետությունների հետ սրվել է Անկարայի կողմից այս երկրների ջրային տարածքներում հորատման աշխատանքներ սկսելուց հետո: Ֆրանսիայի նախագահ Էմանուել Մակրոնն այս առիթով եվրոպացիներին կոչ էր արել ավելի կոշտ դիրքորոշում ցուցաբերել Թուրքիայի նախագահ Էրդողանի և նրա կառավարության նկատմամբ:
Ռուբեն Սաֆրաստյանի նկատառմամբ` այս տարածաշրջանում ի հայտ է եկել Ֆրանսիայի քաղաքականությունը, որը կարծես թե վճռական է տրամադրված:
«Նախագահ Մակրոնը ոչ միայն կտրուկ հռետորաբանություն է ընտրել Թուրքիայի դեմ, այլ նաև կոնկրետ քայլեր է ձեռնարկում. ռազմական նավեր, ինքնաթիռներ է ուղարկում տարածաշրջան: Արդեն խոսք է գնում այն մասին, որ ֆրանսիական ռազմական օդանավերը կտեղակայվեն Կիպրոսում: Կարծես արդեն կան գործողություններ՝ Ֆրանսիայի կողմից»,- ասաց նա:

Նյութի աղբյուր՝ tert.am

#lurerhayastanic #alieverdoxan #makron

Видео ԷՐԴՈՂԱՆԻ ՀԱՐՑԸ ԼՈւՐՋ Է․ Մակրոնը կոչ է արել կոշտ պատժել Թուրքիային․ Կարևոր հանգամանք հօգուտ Հայաստանի канала Banber News