ՋԱԽՋԱԽԻՉ ՀԱՐՎԱԾ ԱԼԻԵՎԻՆ․ Աստանայի կոշտ զգուշացումը․ Ալիեվը չափերն անցել է․ Իրանը ևս զայրացած է

Ռուսաստանն ու Ադրբեջանը հաջողությամբ գործակցում են Կասպիցի ավազանին առնչվող հարցերում, Մոսկվայում ընդունելով Ադրբեջանի նորանշանակ Բայրամովին՝ հայտարարել էր ՌԴ արտգործնախարար Լավրովը:
Ներածական խոսքում Կասպիցին նրա անդրադարձը հերթապահ հայտարարություն չէր: Կասպիցի խնդիրն արդիականանում է Ադրբեջանի ռազմա-քաղաքական յուրացման թուրքական ագրեսիվ քաղաքականության ֆոնին: Անկարան այդպիսով կասպիական հնգյակը վերածում է «վեցյակի» եւ դա միայն Ռուսաստանի խնդիրը չէ, այլ Իրանի եւ կասպիական ավազանի մյուս երկրների: Թեեւ, այստեղ իհարկե հարցը միայն ափամերձ երկրներինը չէ, քանի որ Անկարայի թիրախը անշուշտ ամբողջ Կենտրոնասիական ռեգիոնն է: Այդ իմաստով, Ադրբեջանի յուրացումը ռազմավարական խնդիր է նաեւ Չինաստանի համար:
Անկարան թիրախավորել է Իրանին, Ուզբեկստանում փորձելով ճնշել Սամարղանդի շրջանի տաջիկ բնակչությանը: Դա տեղի է ունենում ոչ առանց պաշտոնական Տաշքենդի իմացության: Ավելորդ է խոսել, որ միտումներին ծանոթ է նաեւ Մոսկվան: Չի բացառվում, որ Ռուսաստանը սպասում է, ակնկալիքով, որ Տաջիկստանը կզգա իր աջակցության կարիքը: Առավել եւս, որ Մոսկվան խնդիր ունի Դուշանբեի հետ, որտեղ մի քանի ամիս առաջ օրենսդրական նախաձեռնությունը՝ պետական գրագրության լեզվում ռուսերենը բացառելու առնչությամբ, հարուցել էր ՌԴ ԱԳՆ խոսնակ Զախարովայի դժգոհությունը:
Մյուս կողմից, սակայն, Ռուսաստանի համար կա էական խնդիր, որ պետք է կառավարելիության տիրույթում պահել կենտրոնասիական ռեգիոնի հանդեպ ագրեսիվ ռազմա-քաղաքականության թուրքական հենակետը՝ Ադրբեջանը:

Նյութի աղբյուր՝ lragir.am
#lurerhayastanic #alieverdoxan #putin

Видео ՋԱԽՋԱԽԻՉ ՀԱՐՎԱԾ ԱԼԻԵՎԻՆ․ Աստանայի կոշտ զգուշացումը․ Ալիեվը չափերն անցել է․ Իրանը ևս զայրացած է канала Banber News