ԷՐԴՈՂԱՆԻ ՆՈՐ ՍՏՈՐՈւԹՅՈւՆԸ․ Թուրքական զորքն Արցախի դե՞մ. Ինչու՞ է մտահոգ Մոսկվան

Հայկական կողմը ստուգում է Արցախի դեմ ռազմական գործողությունների մասնակցելու համար Թուրքիայի կողմից Աֆրինից ու Ազազից վարձկաններին Ադրբեջան տեղափոխելու մասին լուրերը։ Այս մասին ճեպազրույցի ժամանակ ասել է Հայաստանի ԱԳՆ խոսնակ Աննա Նաղդալյանը։
Նաղդալյանի խոսքով, նման սպառնալիքի վտանգ կա՝ հաշվի առնելով ահաբեկիչներ մատակարարելու Թուրքիայի փորձը։ Նա վերահաստատել է Հայաստանի հանդեպ Թուրքիայի միջազգային պարտավորությունների շարունակական խախտումները։ Նաղդալյանը, մասնավորապես, նշել է, որ շարունակելով Հայաստանի սահմանների արգելափակումը՝ Թուրքիան խախտում է դեպի ծով ելք տրամադրելու մասով միջազգային պարտավորությունները։
Այսօր ռուսական «Նեզավիսիմայա գազետա» թերթում հրապարակվել է ռազմական թղթակից Վլադիմիր Մուխինի հոդվածը, որում պնդվում է, որ «Նախիջեւանում արդեն թուրքական բազա կա, որն ուժեղացվել է մարտական ինքնաթիռներով»։
«Մի շարք Տելեգրամ ալիքներ հաղորդել են, որ Ադրբեջան են տեղափոխվել 500 սիրիացի գրոհայիններ, հիմնականում թուրքոմաններ «Սուլթան Մուրադ», Սիրիայի ազատ բանակ եւ «Համզաթ» զինված խմբավորումներից։ ՆԳ-ի աղբյուրները պնդում են, որ տեղեկությունը ճշգրտվում է եւ ամենայն հավանականությամբ այն համապատասխանում է իրականությանը», – նշված է հոդվածում։ Լրագրողը հիշեցնում է, որ Բաքվում բողոքի ցույց է տեղի ունեցել, որի մասնակիցները Թուրքիայից պահանջել են փրկել Ադրբեջանը հայերից ու ռուսներից։ Նրանք, ծածանելով Թուրքիայի դրոշները, պահանջել են իշխանությունից «թուրքական ռազմաբազա տեղակայել ու ռեւանշ վերցնել հայ-ադրբեջանական սահմանին հուլիսյան մարտերի համար»։

Նյութի աղբյուր՝ lragir.am

#lurerhayastanic #erdoxanaliev #putin

Видео ԷՐԴՈՂԱՆԻ ՆՈՐ ՍՏՈՐՈւԹՅՈւՆԸ․ Թուրքական զորքն Արցախի դե՞մ. Ինչու՞ է մտահոգ Մոսկվան канала Banber News