ԻՐԱՆԸ ԶԳՈւՇԱՑՆՈւՄ Է․ Բաքուն չափն անցել է․ Ալիեվի ստերը կքանդեն Ադրբեջանը․ Չխանգարել Հայաստանին

Մի շարք ԶԼՄ-ներում տարածվում է տեղեկատվություն, որ Իրանի Իսլամական Հանրապետության Նորդուզ սահմանակետից Հայաստան է մատակարարվում ռուսական սպառազինություն եւ ռազմատեխնիկա: Հայտարարում ենք, որ այդ հաղորդումները կեղծ են եւ անհիմն: Այդպիսի տեղեկատվություն տարածվում է երկու երկրների բարեկամությունն ու գործակցությունը խաթարելու նպատակով», հայտարարել է Ադրբեջանում Իրանի դեսպանատունը, անդրադառնալով ադրբեջանական լրատվամիջոցներում տարածվող տեղեկություններին:
Իրանի տարածքով Հայաստան ռազմական բեռների մատակարարման մասին գրել են ոչ թե ԶԼՄ-ները, այլ պաշտոնական Բաքուն իր հաղորդագրությամբ, այլ կերպ ասած՝ Իլհամ Ալիեւը: Իրանի հանգամանքը նշված էր Պուտինի հետ Ալիեւի հետախոսազրույցի մասին պաշտոնական Բաքվի տարածած հաղորդագրության մեջ, որպես Հայաստան ռուսական ռազմական բեռների մատակարարման երթուղի: Ավելին, օրերս Հունաստանի դեսպանի հավատարմագրերն ընդունած Ալիեւը դարձյալ խոսել էր այն մասին, որ մերձկասպյան երկրների տարածքով ռուսական սպառազինություն է հասնում Հայաստան:
Այդպիսով, Ադրբեջանում Իրանի դեսպանատան հայտարարությունը ստացվում է դիվանագիտական զգուշացում Ադրբեջանի նախագահին, ակնարկով, որ նա իր հայտարարություններով խաթարում է Իրանի ու Ադրբեջանի բարեկամական եւ գործընկերային հարաբերությունը:
Այլ կերպ ասած, Թեհրանը նկատում է, որ Ալիեւի բողոքները կարող են արժանանալ պատասխան կոշտ վերաբերմունքի, ինչը կարող է վնասել Իրանի հետ Բաքվի հարաբերությունը: Դա պե՞տք է Բաքվին, փաստացի ակնարկում է Թեհրանն իր դեսպանատան հարաբերության տողատակում, այդպիսով ակնարկելով նաեւ, որ Ալիեւի դժգոհությունը այլ, երրորդ կողմի հրահանգ է, որը կապ չունի Ադրբեջանի շահի հետ:

Նյութի աղբյուր՝ lragir.am

#lurerhayastanic #alieverdoxan #iran

Видео ԻՐԱՆԸ ԶԳՈւՇԱՑՆՈւՄ Է․ Բաքուն չափն անցել է․ Ալիեվի ստերը կքանդեն Ադրբեջանը․ Չխանգարել Հայաստանին канала Banber News