Burmese: နှစ်စဉ် ခိုလှုံခွင့်ကြေး ခိုလှုံခွင့်လျှောက်ထားသူများ သိထားသင့်သည့် အချက်များ

ခိုလှုံခွင့်လျှောက်ထားမှုကိစ္စများသည် တစ်နှစ်ထက်ပို၍ ဆက်လက်စောင့်ဆိုင်းနေသူများ အနေဖြင့် ၎င်းတို့၏ လျှောက်ထားမှုကို ဆက်လက်စောင့်ဆိုင်းနိုင်ရန်အတွက် ယခုအခါ အမေရိကန်အစိုးရထံ နှစ်စဉ်ကြေး အသစ်တစ်ရပ် ပေးဆောင်ရမည်ဖြစ်ပါသည်။ ၎င်းကို “နှစ်စဉ် ခိုလှုံခွင့်ကြေး” (Annual Asylum Fee - AAF) ဟု ခေါ်ပါသည်။
၂ဝ၂၆ ခုနှစ် မေလ ၂၉ ရက်နေ့မှ စတင်၍၊ လျှောက်ထားသူ၏ “နှစ်စဉ် ခိုလှုံခွင့်ကြေး” (Annual Asylum Fee) ကို သတ်မှတ်ထားသော အချိန်အတွင်း အချိန်မီမပေးဆောင်ပါက၊ ဆက်လက်စောင့်ဆိုင်းဆဲ ခိုလှုံခွင့်လျှောက်ထားမှုများကို အစိုးရက ငြင်းပယ်ချနိုင်ကြောင်း ထုတ်ပြန်ပြောကြားထားသည်။ USCIS က ပေးဆောင်ရန်အကြောင်းကြားပြီးနောက် လူများသည် ရက်ပေါင်း ၃ဝ အတွင်း ပေးဆောင်ရမည်ဟု USCIS က ပြောကြားခဲ့သည်။ လူဝင်မှုကြီးကြပ်ရေးတရားရုံးတွင် နောက်ဆုံးသတ်မှတ်ရက်သည် ပိုတိုနိုင်သောကြောင့် တရားသူကြီး၏အမိန့်တွင် တိကျဖော်ပြထားသော နောက်ဆုံးသတ်မှတ်ရက်ကို လိုက်နာရမည်ဖြစ်သည်။
အစိုးရအနေဖြင့် နှစ်စဉ် ဆက်လက်စောင့်ဆိုင်းဆဲဖြစ်နေသော ခိုလှုံခွင့်လျှောက်ထားမှု တစ်ခုချင်းစီအတွက် “နှစ်စဉ် ခိုလှုံခွင့်ကြေး” (Annual Asylum Fee) တစ်ကြိမ် ပေးသွင်းရမည်ဖြစ်ပြီး၊ တူညီသော လျှောက်လွှာတွင် ပါဝင်ဖော်ပြထားသော မိသားစုဝင် တစ်ဦးချင်းစီအတွက် သီးခြားကြေး ပေးရန် မလိုအပ်ပါ။
USCIS အမှုကိစ္စများအတွက်၊ ၎င်းတွင် ၂ဝ၂၄ ခုနှစ် အောက်တိုဘာလ ၁ ရက်နေ့မှ ၂ဝ၂၅ ခုနှစ် စက်တင်ဘာလ ၃ဝ ရက်နေ့အထိ တစ်လျှောက်လုံး ခိုလှုံခွင့်လျှောက်ထားသူများ ပါဝင်သည်။ ထို့အပြင် ၂ဝ၂၄ ခုနှစ် အောက်တိုဘာ ၁ ရက်နေ့ နောက်ပိုင်းတွင် ခိုလှုံခွင့်လျှောက်ထားခဲ့ပြီး၊ ၃၆၅ ရက်ကြာပြီးနောက်တွင်လည်း ၎င်းတို့၏အမှုကိစ္စသည် USCIS တွင် ဆက်လက်စောင့်ဆိုင်းဆဲ ဖြစ်နေသေးသူများလည်း ပါဝင်သည်။
၂ဝ၂၆ ခုနှစ်၊ ဇန်နဝါရီလ ၁ ရက်နေ့မှစ၍ နှစ်စဉ်ကြေးမှာ ဒေါ်လာ $102 ဖြစ်သည်။ ဤကြေးသည် ၂ဝ၂၅ ခုနှစ်တွင် စတင်သတ်မှတ်ခဲ့သော ခိုလှုံခွင့် လျှောက်လွှာအသစ်များအတွက် ဒေါ်လာ $100 လျှောက်လွှာ တင်ကြေးနှင့် သီးခြားဖြစ်ပါသည်။ အစိုးရသည် နှစ်စဉ်ကြေးပမာဏကို တစ်နှစ်နှင့်တစ်နှစ် ပြောင်းလဲနိုင်ပါသည်။
အစိုးရသည် လျှောက်ထားသူများကို နှစ်စဉ်ခိုလှုံခွင့်ကြေး (Annual Asylum Fee) အခကြေးကင်းလွတ်ခွင့် (fee waiver) တောင်းဆိုခွင့်မပြုပါ။ အကယ်၍ သင်သည် အခကြေးငွေကို မတတ်နိုင်ပါက သင့်ဒေသရှိ အသိုင်းအဝိုင်းအခြေပြု ဝန်ဆောင်မှုပေးသူ (community-based service provider) ကို ချက်ချင်းဆက်သွယ်ပါ။ အကယ်၍ သင်သည် ဗားမောင့်(Vermont) တွင် နေထိုင်ပါက ငွေကြေးအကူအညီ ရရှိနိုင်မှု ရှိမရှိ သိရှိနိုင်ရန် ဗားမောင့် နှင့် နယူး ဟမ်းပ်ရှား ခိုလှုံခွင့် ပံ့ပိုးမှုကွန်ရက် (Vermont and New Hampshire Asylum Support Network) နဲ့ သင့်ကို ချိတ်ဆက်ပေးရန် တောင်းဆိုပါ။ အကူအညီလိုအပ်ပါက နောက်ဆုံးသတ်မှတ်ရက်အထိ မစောင့်ပါနဲ့။
အကယ်၍ သင့်ရဲ့ ခိုလှုံခွင့် အမှုကိစ္စက USCIS နှင့် ဆိုင်ပါက၊ ဒီဝက်ဘ်ဆိုက်မှာရှိတဲ့ USCIS ရဲ့ တရားဝင် နှစ်စဉ် ခိုလှုံခွင့်ကြေး (Annual Asylum Fee) စာမျက်နှာမှာ ပေးချေပါ။
အကယ်၍ သင့်ခိုလှုံခွင့်အမှုကိစ္စသည် လူဝင်မှုကြီးကြပ်ရေးတရားရုံး (Immigration Court) တွင်ရှိပါက၊ ဤဝက်ဘ်ဆိုက်ရှိ လူဝင်မှုကြီးကြပ်ရေး ပြန်လည်သုံးသပ်ရေး အမှုဆောင်ရုံး (Executive Office of Immigration Review) ("EOIR") ၏ အွန်လိုင်းငွေပေးချေမှု စနစ်မှတစ်ဆင့် ငွေပေးချေပါ။ တရားသူကြီးထံမှ သတ်မှတ်ထားသော မည်သည့် နောက်ဆုံးရက်ကိုမဆို လိုက်နာပါ။ သင့်ဘောက်ချာကို သိမ်းဆည်းပြီး ငွေပေးချေမှု အထောက်အထားကို တရားရုံးနှင့် ICE ကိုယ်စားပြုသော အစိုးရရှေ့နေထံ ပေးပါ။
အကယ်၍ သင်သည် လွန်ခဲ့သော တစ်နှစ်အတွင်း ခိုလှုံခွင့်လျှောက်လွှာတင်သွင်းစဉ်က အခကြေးငွေပေးဆောင်ပြီးဖြစ်ပါက၊ ယခုအချိန်တွင် နှစ်စဉ်ခိုလှုံခွင့်ကြေး (annual asylum fee) ကို ပေးဆောင်ရန် မလိုအပ်ပါ။ နှစ်စဉ်ခိုလှုံခွင့်ကြေး (annual asylum fee)သည် ခိုလှုံခွင့်လျှောက်လွှာအသစ်အတွက် ဒေါ်လာ $100 တင်သွင်းခနှင့် မတူပါ။ အစိုးရ၏ ပြောကြားချက်အရ ခိုလှုံခွင့် လျှောက်လွှာသည် တစ်နှစ်ကျော် ဆက်လက်စောင့်ဆိုင်းနေဆဲ ဖြစ်နေမှသာ နှစ်စဉ်ခိုလှုံခွင့်ကြေး (annual asylum fee)ကို ကောက်ခံသင့်ပါသည်။ အကယ်၍ သင့်အမှုကိစ္စသည် တစ်နှစ်ထက်နည်း၍ ဆက်လက်စောင့်ဆိုင်းနေဆဲဖြစ်ပါက၊ ဤဝက်ဘ်ဆိုက်တွင် ငွေပေးချေမှုကို စစ်ဆေးပါ၊ သို့သော် အခကြေးငွေသည် ပေးရန်မကျန်တော့ဟု ပြသနေသင့်ပါသည်။
အကယ်၍ ဝက်ဘ်ဆိုက် သို့မဟုတ် တရားသူကြီး၏အမိန့်တွင် နှစ်စဉ်ကြေးပေးဆောင်ရန် ရှိကြောင်းဖော်ပြထားပါက၊ သင်ပေးဆောင်ပြီးသော မည်သည့်ကြေးကိုမဆို သက်သေအထောက်အထားအဖြစ် သိမ်းဆည်းထားပြီး နောက်ဆုံးသတ်မှတ်ရက်မတိုင်မီ ယုံကြည်စိတ်ချရသော ဥပဒေအကူအညီဝန်ဆောင်မှုပေးသူတစ်ဦးဦးထံ အကူအညီတောင်းခံပါ။ ဗားမောင့်တွင်၊ သင်၏ဒေသခံဝန်ဆောင်မှုမိတ်ဖက်ရုံးသို့ ကိုယ်တိုင်သွားရောက်ခြင်း သို့မဟုတ် ဤဝက်ဘ်ဆိုက်သို့ တောင်းဆိုမှု တင်သွင်းခြင်းဖြင့် အကူအညီတောင်းခံနိုင်ပါသည်။
သင်သတိပြုရမည်မှာ နှစ်စဉ် ခိုလှုံခွင့်ကြေး (Annual Asylum Fee) ကို အချိန်မီ မပေးဆောင်ပါက USCIS မှ သင်၏ ခိုလှုံခွင့် အမှုကိစ္စကကို ငြင်းပယ်နိုင်ပါသည်။ USCIS မှ သင်၏ ခိုလှုံခွင့်အခြေပြု အလုပ်လုပ်ခွင့်ပါမစ်ကိုလည်း ပယ်ဖျက်နိုင်သည် သို့မဟုတ် ဆက်လက်စောင့်ဆိုင်းနေသော အလုပ်လုပ်ခွင့်လျှောက်လွှာကို ငြင်းပယ်နိုင်သည်။ လူဝင်မှုကြီးကြပ်ရေးတရားရုံး (Immigration Court) တွင် တရားသူကြီးသည် သင်၏ ခိုလှုံခွင့်အမှုကိစ္စကို ငြင်းပယ်နိုင်သည် သို့မဟုတ် ပယ်ဖျက်နိုင်သည်။ ဤဆုံးဖြတ်ချက်သည် နောက်ဆုံးအတည်ပြုခြင်းဖြစ်သွားနိုင်ပါသည်။
အကယ်၍ သင်သည် ယခုအချိန်တွင် နှစ်စဉ်ခိုလှုံခွင့်ကြေး (Annual Asylum Fee) ပေးဆောင်ရန် လိုအပ်မလား မသေချာပါက USCIS ငွေပေးချေမှုစာမျက်နှာသို့ သွားပါ။ သင့် A-နံပါတ်နှင့် သင့်ခိုလှုံခွင့်လက်ခံရရှိသည့်နံပါတ် (asylum receipt number) ကို ရိုက်ထည့်ပါ။ ဝက်ဘ်ဆိုက်တွင် အခကြေးငွေပေးရန်မလိုအပ်ဟု ဆိုပါက နောက်မှ ပြန်လည်စစ်ဆေးပါ။ ဝက်ဘ်ဆိုက်က သင့်ကို ငွေပေးချေခွင့်ပြုပါက ပေးနိုင်ပါက ငွေပေးချေပါ။ သင့်လက်ခံရရှိသည့်နံပါတ်၊ ခြေရာခံနံပါတ် (tracking number) နှင့် စကရင်ရှော့များကို သိမ်းဆည်းထားပါ။

Видео Burmese: နှစ်စဉ် ခိုလှုံခွင့်ကြေး ခိုလှုံခွင့်လျှောက်ထားသူများ သိထားသင့်သည့် အချက်များ канала Vermont Language Justice Project