Жемқорлыққа апарар жол! Көліктердің техникалық байқаудан өтуі халыққа керек пе?

Еліміздегі авто және эко сарапшылар автокөліктерді техникалық байқаудан өткізуді қатаң бақылауға алу керек деп дабыл қағып жатыр. Олар Көлік комитеті соңғы 10 жыл ішінде тек жемқорлыққа алып келген функцияны атқарды дейді. Сондықтан да, Президент бұл мәселеге нүктені өзі қойсын деп хат жолдады.
Көлікті техникалық байқаудан өткізу үшін арнайы орынға бармай-ақ кемінде 1 мың 500 теңге төлей салу - қылмыс деген сарапшылар, бұған жол ашып берген комитет жауап беруі керек дейді. Көлік комитеті он жыл бойы техникалық қызмет көрсетудің осы саласын дамыту үшін жағдай жасай алмады, тек техникалық сынақтан өткізудің беделін түсіріп келгенін айтты.
АРСЕН ШАКУОВ, «ЖАЛПЫ ЖОЛ» жол қозғалысы қауіпсіздігі қауымдастығының президенті:
– Техникалық байқаудан өту бір салық төлеу сияқты болып кеткен. Қазір көлігі бұзылғандар жөндеу орталықталықтарына барады, бірақ оларға ешқандай кепіл болатын сертификат берілмейді. Соны заңдастыру керек. Ескі көліктерден құтылуды ең тиімді жолы- халыққа қолжетімді бағада темір тұлпар алуға болатын арнайы бағдарлама жасау керек.
Арсен Шакуовтың айтпағы, халықты санатқа бөлмей автонесие рәсімдеуге мүмкіндік беру. Бірақ, көлік тізгендегеннің бәрі жаңасын несиені пайызсыз берсе де ала бермейді деген экологтар, басқа тәсілді де қарастыру керек деген пікірде.
ТИМУР ЕЛЕУСІЗОВ, «KAZ ECO PATROL» қоғамдық бірлестігінің төрағасы:
– Алматыдағы 400 мың көліктің 40 пайызы техникалық талапқа сай емес. Көбі тауар тасып жүрген фирмаларға тиесілі. Ал қарапайым халықтан неге көлігіңіздің қозғалтқышын жөндемейсіз деп сұрасақ, отбасын әрең асырап жүргенін айтады. Сондықтан, көлік жөндейтін орталықтарға мемлекет субсидия беру керек.
Айта кетейік, 3 миллионға жуық көлік жүргізушісі жыл сайын техникалық байқаудан өтуге бас-аяғы 13 миллиард теңге төлейді екен. Президентке хат жолдаған сарапшылар, көлік құралдарын техбайқаудан өткізу тетігін мүлдем алып тастау дұрыс емес екенін де айтты.
Әйгерім Ердәулет, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#техникалық_байқау #техосмотр #жемқорлық

Видео Жемқорлыққа апарар жол! Көліктердің техникалық байқаудан өтуі халыққа керек пе? канала Информбюро 31