«Халық» қайырымдылық қоры да «Қазақстан халқына» қорына 10 миллиард теңге аудармақ

«Халық» қайырымдылық қоры да «Қазақстан халқына» қорына 10 миллиард теңге аудармақ. Қордың елдің әл-ауқатын көтеруге бөлген бұл қаражаты - «Халықтың» қайырымдылыққа бөлген алғашқы игі ісі емес. Бұдан бұрын да Halyk Bank пен «Халық» қайырымдылық қоры «Қазақстан халқына» қорына алғашқылардың бірі болып 5 миллиард теңге аударған.
Айта кету керек, мемлекет басшысы Қасым-Жомарт Тоқаевтың бастамасымен «Қазақстан халқына» әлеуметтік Қоры 2022 жылғы қаңтарында құрылған болатын. Осы игі шараға «Халық» қоры 10 млрд теңге бөлмек. Бұл - «Халық» қорының құрылтайшылары Тимур мен Динара Кұлыбаевтардың жарналарымен қосымша қаржыландырылып отыр. Бұған дейін де көптеген қайырымды істерге мұрындық болған қордың шағын бизнесті дамыту жобасы аясында оқушылар өз бастамалары үшін, 200 грант ұтып алды. Көптеген дарынды балалардың да «Мирас» халықаралық мектебінде білім алуына қор мүмкіндік жасады. Елді індет есеңгіреткен өткен жылдарда да қор бірқатар игі істерге мұрындық болған еді.
ЖАНАР ЕРМАТОВА, көпбалалы ана:
– Үлкен рахмет. Бізге сол әлеуметтік қор орталығынан бізге осындай демеушілерді жіберіп тұрады. Барлығына алғысым шексіз.
«Халық» қайырымдылық қоры Жанар секілді көптеген көп балалы отбасылардан өзге, тұрмысы төмен жанұяларға да азық-түлік себеттерін таратқан болатын. 2020-2021 жылдар аралығында қор, 2.5 млрд теңге қаражатқа жалпы көлемі 5 млн келіден астам 100 мың азық-түлік себетін таратқан. Соның ішінде індет кезінде Атырау облысындағы тұрмысы төмен отбасыларға 1000 азық-түлік және дәрілік жинағы алынған.
ИРИНА СОВЕТЖАНҚЫЗЫ, Тілші:
– «Халық» қайырымдылық қоры 2020-2021 жылдары қазақстандықтарға қайырымдылық жасау игі істері үшін 18 млрд теңге қаражат бөлген. Оның 11 млрд қаражаты індет кезінде тұрмысы тұралап қалған елдің әл-ауқатын көтеру мақсатында жұмсаса, 5 млрдқа жуық сома - ковид кезінде аса қажетті жедел жәрдем көліктерін сатып алу мен дәрі-дәрмек, қорғаныс құралдарын сатып алуға бөлген. Сонымен қоса, «Халық» қайырымдылық қоры індет өршіп тұрған тұста, медицина қызметкерлерінің үстеме ақысына 220 млн теңге қаражат бөлген.
Ирина Советжанқызы, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео «Халық» қайырымдылық қоры да «Қазақстан халқына» қорына 10 миллиард теңге аудармақ канала Информбюро 31