Уәде еткен газ қайда? Ауыл жұрты «әкімдік бізді алдап кетті» деп ашынып отыр

Жамбыл облысында бес бірдей ауыл тұрғындары "әкімдік өкілдері алдап соқты" деп ашынып отыр. Айтуларынша, шенеуніктер былтыр көктемде газ құбырын тарту үшін әрбір үйден 200 мың теңге жинап, күз келе көгілдір отынның игілігін көресіздер деп уәде еткен. Бірақ жеме-жемге келгенде сылтау айтып, сөздерінен тайып кетті дейді. Уәделі күн таяғанда ауыл тұрғындарына қуанышты жаңалықтың орнына қысқа отын қамдап, амалдай тұрыңдар деп басу айтқан.
Әкім былтыр бізге есебін берген кезде октябрь айында газ болады деген. 2021-дің қазан айында газ кіреді деген. Бірақ бізге берілген жоқ.
Көлқайнар округі тұрғындарының базынасы осы. Олар әкімдік өкілдері былтыр ерте көктемде әр түтіннен 140-200 мың теңгеден ақша жинап, жыл соңына дейін газ кіргіземіз деп уәде етті дейді. Қазір округке қарасты бес ауылға газ құбыры тартылып қойған. Бірақ ашынған ел әлі күнге дейін көгілдір отынның игілігіне қол жеткізе алмай отыр. Сондықтан, кейбірі тонналап көмір алуға, енді бірі ауыл іргесіндегі жиде талдарды кесіп, тасуға мәжбүр екен.
БЕКТЕМІР МӘДЕЛБАЕВ, Еңбек ауылының тұрғыны:
– Ауыл әкімі келеді. Мынау районнан келеді. Отырады да айтады, айтады да кетеді. Бәрін үйіп-төгіп. Сол қалады сол күйі.
БАҚЫТГҮЛ НИЯЗӘЛИЕВА, Еңбек ауылының тұрғыны:
– Қуандық жиырмада кіреді деп. Ой, орамалымызды аспанға лақтырып. Жоқ, былтырдан бері жоқ. Былтыр анау Асадан былай қалаға қарай тартты. Ой, биыл береді енді биыл береді жиырма бірде қуанып едік. Ол да жоқ болды.
ГҮЛНАЗ АЙНАҚҰЛОВА, Еңбек ауылының тұрғыны:
– Анау тұр ғой анау жиденің ағаштары. Соны аралайды. Күйе-күйе. Оны қолмен аралайды. Үлкен кісі де, жас балада. Бітті. Топ-тобымен отын. Мына заманда сондай бола ма? Отынды топ-тобымен қолмен аралағанды мен білмеймін.
МАРИЯ НАРБЕКОВА, Рахат ауылының тұрғыны:
– Даже біз мынау Асаның әкіміне кіре алмаймыз. Өтірік айтады. Жоқ әкім. Жиналыста ақпараттары. Осылай. Уже осы Рахаттың адамдары барса таниды оларды. Беске біледі мына келіншектердің барлығын. Жоқ дейді бізге.
Жиналған жұртты тыңдауға аудан әкімінің орынбасары келді. Ол жобаға сәйкес газ 2021 жылы берілуі керектігін растады. Бірақ қаржы жетпей, жұмыс аяқсыз қалған.
НҰРЛАН НЕСІПБЕКОВ, Жамбыл ауданы әкімінің орынбасары:
– Ол үлкен қаражатты қажет етеді. Республикалық бюджеттен бұл 13 елдімекенге 4,5 миллиард теңге қаржы бөлініп отыр. Ол ауданның болмаса облыстың бюджеті көтере алмайды ол қаржыны. Сол себептен бұл ұзақ мерзімді болған соң осылай созылуда.
Шенеунік былтыр бітпей қалған жұмыстарды толық аяқтау үшін биыл республикалық бюджеттен 383 миллион теңге бөлінді деді. Сондықтан, жыл соңына дейін бес ауылға да көгілдір отын беріледі деп тағы уәде етті.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#көгілдір_отын #газ #әкімдік_уәдесі

Видео Уәде еткен газ қайда? Ауыл жұрты «әкімдік бізді алдап кетті» деп ашынып отыр канала Информбюро 31