ПАДТРЫМАЙ ВЕРШАМ / Янка Купала "Яшчэ прыйдзе вясна"

Падтрымай словам, падтрымай вершам.
Першае слова, як першы крок да вялікай размовы. А гэта ў нашыя часы жыццёва важна.

Янка Купала "Яшчэ прыйдзе вясна", 1908 год

Не пужайся, што здрадныя хмары
Неба ўслалі з канца да канца,
Што свае цемната ўнесла чары,
Закружыўся груган над папарам:
Яшчэ прыйдзе вясна!

Не пужайся, што лісць пажаўцелы
Лес скідае з канца да канца,
Дый не чуць птушак пеўчых дзень цэлы,
Прашмыгне толькі заяц нясмелы:
Яшчэ прыйдзе вясна!

Не пужайся, што бедная ніва
Апусцела з канца да канца,
Што мужыцкай рукой нешчаслівай
Неужоннае скончана жніва:
Яшчэ прыйдзе вясна!

Не пужайся, што вольныя сілы
Ў путах дрэмлюць з канца да канца,
Што наcільcтва ўсю праўду здушыла,
Што смерць густа капае магілы:
Яшчэ прыйдзе вясна!
Яшчэ прыйдзе!..

Видео ПАДТРЫМАЙ ВЕРШАМ / Янка Купала "Яшчэ прыйдзе вясна" канала Купалаўцы