Нацыянальны гімн Беларусі. Мужчынскі хор «Унія» - Пагоня / Национальный гимн Беларуси. Уния - Погоня

Нацыянальны гімн Беларусі (аб нацыянальным гербе) зрэзанаваў з сэрцамі наведвальнікаў менскага Чырвонага Касцёлу. Спадзяемся, што і кожнага Беларуса.

Спяваюць: Мужчынскі хор «Унія»
(https://web.facebook.com/groups/686693955292150
https://www.youtube.com/channel/UC5aYQCFwH6ZRzX_pareSNeQ/about?view_as=subscriber)
Мастацкі кіраўнік і дырыжор: Павал Гонца
Відэа: Harłačyk з выкарыстаннем аператарскіх кадраў Мацьвея Родава
Музыка: Мікола Шчаглоў-Куліковіч
Паэзія: Максім Багдановіч

«Пагоня»

Толькі ў сэрцы трывожным пачую
За краіну радзімую жах, —
Ўспомню Вострую Браму сьвятую
I ваякаў на грозных канях.

Ў белай пене праносяцца коні, —
Рвуцца, мкнуцца і цяжка хрыпяць...
Старадаўняй Літоўскай Пагоні
Не разьбіць, не спыніць, не стрымаць.

У бязьмерную даль вы ляціце,
А за вамі, прад вамі — гады.
Вы за кім у пагоню сьпяшыце?
Дзе шляхі вашы йдуць і куды?

Мо яны, Беларусь, панясьліся
За тваімі дзяцьмі наўздагон,
Што забылі цябе, адракліся,
Прадалі і аддалі ў палон?

Біце ў сэрцы іх — біце мячамі,
Не давайце чужынцамі быць!
Хай пачуюць, як сэрца начамі
Аб радзімай старонцы баліць...

Маці родная, Маці-Краіна!
Не усьцішыцца гэтакі боль...
Ты прабач, Ты прымі свайго сына,
За Цябе яму ўмерці дазволь!..

Ўсё лятуць і лятуць тыя коні,
Срэбнай збруяй далёка грымяць...
Старадаўняй Літоўскай Пагоні
Не разьбіць, не спыніць, не стрымаць.

[1916]

Видео Нацыянальны гімн Беларусі. Мужчынскі хор «Унія» - Пагоня / Национальный гимн Беларуси. Уния - Погоня канала Harlacyk / Гарлачык