Ақылы жолдарға қарсылық жалғасуда. Еліміздің түкпір түкпірінен жүргізушілер тағы наразылыққа шықты

Бүгін ақылы жолға қатысты Қазақстанның түкпір-түкпірінде мыңнан астам жүргізуші тағы да жиналып, наразылықтарын білдірді. Олар үкіметтен мәселені тездетіп шешуді талап етіп отыр. Айтуларынша, стандартқа сай келмейтін шұрық-тесік жолдарға ақы төлету миға қонымсыз дүние. Осылай ашынған жүргізушілер мәселені министрлік тезірек шешпейінше, қалааралық тауар тасымалдауды тоқтатуға бел буды.
Бұл жолы Ақтөбеде екі жүзден аса жүргізуші тағы да наразылыққа шықты. Айтуларынша, мәселе шешілмейінше, айтқанымыздан қайтпақ емес..
НАУАН ҚАРАШОВ, жүргізуші:
– Бізде салыстыратын ел бар. Қасымыздағы шекаралас, Россия. Олар қырық шақырымда қырық техника жүреді. Қырық шақырым жерде. Бізде жүз шақырым жерде бір адам жүрмейді. Бір дорожник жүрмейді. Одан кейін не айтасыз? Ақшаны қалай төлейміз оған. Оларға бес теңгенің өзі жалко. Не то что жиырма бес.
Жиналғандарға облыс әкімінің бірінші орынбасары келіп, жұртқа басу айтты. Шенеунік мәселені мемлекет басшысына жеткізіп, бір аптада шешіп беруге уәде етті.
Маңғыстау мен Шымкентте де 500-ден астам жүргізуші бас көтерді. Газельдер мен жүк көліктерін тізгіндегендер жол жиегіне қаз-қатар тізіп тастап, наразылықтарын білдірді.
РАУАН ЖАНКУЛИЕВ, жүргізуші:
– Жол жөнекей бұзыламыз, қай-қай жерлерде қап кетеміз, қор боламыз. Сеть шықпайтын жерлер бар. Екі күндеп, үш күндеп үйге әрең жетеміз. Балонымыз жарылады, моторымыз сынып қалады, коробкамыз сынып қалады. Мост шашылады. Тапқан табысымыз, айлығымыз шайлығымызға жетпей, кредитімізді төлей алмай жүргенімізде, мына жолдың ақысына қалай тағы ақша төлей аламыз?
ЕРМАН ӘБДІРАЙЫМОВ, жүргізуші:
– Бір адамның басында 100 мыңнан кредиттері бар, бұдан басқа әке-шешесіне, ағайын бауырына қалай ақша жеткізеді бұлар? Жолың болса мынау түрі 45 шұрық-тесік, 10 метр жүрсең, екеуіне түсесің обьязательно.
Бұл наразылыққа Өзбекстан, Тәжікстан, Қырғызстаннның жүргізушілер де қосыла кетті. Өйткені тариф оларға да қатысты болмақ. Бірақ неге екенін білгісіз, полицейлер оларды бұл маңнан қуып әлек.
МАҚСАТ ЖАҚСЫБАЙҰЛЫ, тілші:
– Қаптаған қауымды көріп, ақылы жолға қатысты мәселе екенін айтпай-ақ аңғарған жүргізушілер, көліктерін осында тоқтатып жатыр. Бәрінің қояр талабы бір. Енді тас жолды тегін етпейінше, 10 күн бойы осында тапжылмай тұра бермек.
Шоғырланған шопырларға жауаптылар да келіп жетті. Олардың министрлікте арнайы комиссия құрылып, зерделеу жүргізіліп жатыр дегеннен басқа нақты айтары болмады.
ЖАМБЫЛ БАҚТИЯР, "Қазавтожол" ҰК" АҚ Түркістан облысы филиалының басшысы:
– Бірінші кезде тариф 37 теңгеден 5 теңге болған 15 тоннадан жоғарыларға. Ол тариф однозначно болмайды. Қазір басшылар барлық жағын қарастырып жатыр. Қазір тариф бекітілген жоқ. Нақты шешім де жоқ, ақылы жүйе қай күні болатынына шешім қабылданған жоқ.
Жауаптылардың айтуынша, мыңдаған жүргізушінің тағдыры бір аптада бір жақты шешіледі екен. Ал ауыр көлікті тізгіндегендер талабымыз орындалмайынша, айтқанымыздан қайтпаймыз деп бекініп отыр.
Мақсат Жақсыбайұлы, Жансерік Боранбаев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#қымбатшылық #тариф #ҚазАвтоЖол #ақылы_жол

Видео Ақылы жолдарға қарсылық жалғасуда. Еліміздің түкпір түкпірінен жүргізушілер тағы наразылыққа шықты канала Информбюро 31