Шымкенттегі дүлей дауылдың кесірі

Шымкентте дүлей дауыл тұрып, мегаполиске айтарлықтай шығын әкелді. Секундына 26 метр жылдамдықпен соққан жел 5 көп қабатты үйдің, 3 коммерциялық нысанның және 2 білім беру мекемесінің шатырын ұшырып әкеткен. Шатырдан бөлек, ағаштар да құлап, автокөліктерді де зақымдаған. Тіпті, зардап шеккен жасөспірім де бар. Ол мойын және жауырын бөлігінің ашық жарақатын алып, қазір облыстық балалар ауруханасында ем алуда.
ШЕРЗОД РАСУЛМЕТОВ, Дәрігер:
– Баланың иығы жарақат алған. Үлкен жара. Жыртылған, кесілген жара дейді. Оған бірінші хирургиялық таңдау жасалынды. Қазіргі таңда баланың жағдайы бір қалыпты.
Төтеншеліктердің есебінше, дауыл салдарынан ғимараттардың 3 мың шаршы метрден астам шатырын ұшып кеткен. 6 автокөлікке айтарлықтай зақым келген. Бірнеше елді мекен мен шағын ауданда коммуналдық жүйелер істен шыққан. Қазір мамандар барлығы қалпына келтірілді деп отыр. Қазір төтеншеліктер күшейтілген жұмыс режиміне көшіпті. Себебі бүгін де желдің жылдамдығы қатты болады деген болжам бар. Ал әзірге мамандар шығын көлемін есептеп жатыр.
ЖӘНІБЕК КӘРІМБАЕВ, Шымкент қалалық ТЖД бастығының орынбасары:
– Шығын өлшеу үшін ол кісілер арыздар жазып, қажетті құжаттарын беруі керек. Бұл ҚР қаулысына сәйкес жиналады. Автокөліктер бойынша сақтандыру полистері болса, сақтандыру қызметіне жүгінуге болады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Шымкент #дауыл #табиғаттың_мінезі

Видео Шымкенттегі дүлей дауылдың кесірі канала Информбюро 31