Жер қазақстандықтарға да сатылмайды! Мәжіліс депутаттары заң жобасын мақұлдады

Ауылшаруашылығы мақсатындағы жерлер қазақстандықтарға да сатылмайды. Жер комиссиясының мүшелері талай дауласқан, ел алаңдаған жерді сату-сатпау мәселесі алдағы 5 жылдықта қозғалмайтын болды. Өйткені Мәжіліс депутаттары бүгін ауылшаруашылығы министрлігінің дайындап келген: "жерді қазақстандықтарға 2026 жылдың соңына дейін сатпау" нормасын бірауыздан мақұлдады. Жаңа заң нормасы арқылы енді малын жая алмай отырған ауылдықтардың да мәселесі шешіледі.
Түркістан облысындағы айнатастықтар мал бағуға жер таба алмай отыр. Бірақ, әкімдіктегілер: инвестиция тарттық деп, жылыжайға жер беріпті. Олар ор қазып, жерді әбден құрғатып, өзеннің жағасындағы жайылымның быт-шытын шығарған. Амал жоқ, ауыл халқы қазір малды айдалаға апарып жаяды. Жыл он екі ай қосымша шөп сатып алып отырмаса өрістен аш қайтқан малдары арам қатады.
СЕЙДАЛЫ ТАСБАЛТАЕВ, Қазығұрт ауданы, Айнатас ауылының тұрғыны:
– Кешке таман үйге жалаңдап аш барады әшейін! Тек қана аяғын созып, прогулка боп келедә әшейін. Үйге жалаңдап аш барады. үйден тойғызамыз! Бір престің өзі мың теңге болып тұр. Әлі түспейді!
Мал жаюға жер таппай отырған тек Айнатас қана емес. Еліміздегі көп ауылда бұл мәселе өзекті. Енді елдімекеннің маңындағы жерлер халыққа, мал жаю үшін қайтарылады. Мысалы, ауылыңыздың дәл іргесінде бір шаруа қожалығы болса оған басқа жақтан тура сондай жер телімі беріледі. Егер құдығы, қора-қопсысы болса ақысы төленеді.
АЙДАРБЕК САПАРОВ, ҚР Ауыл шаруашылығы министрінің міндетін атқарушы:
– Малдың санына байланысты шекарасы белгіленеді. Егер сол жерде біреуге берілсе жекеменшікке онда оның оценкасы жүргізіледі, сосын барып қайта сатып алынады. Құдық қазып, инфраструктура болса оның шығыны да бағаланады да, шығыны қайтарылады .
Біздегі заң бойынша жер тек жалға беріледі. Ал 2026 жылдың соңына дейін жер қазақстандықтарға да сатылмайды.
АЙДАРБЕК САПАРОВ, ҚР Ауыл шаруашылығы министрінің міндетін атқарушы:
– Ауылшаруашылығы мақсатындағы жерлерді жекеменшікке беруге мараторийді қолданылу мерзімін 2026 жылғы 31-желтоқсанға дейін ұзарту.
Жер тек жалға беріледі дегеннің өзінде қазір жалға алған жерін өзге біреуге жалға беріп қойған шаруалар жетерлік. Ал, еңбек етіп, жерді игеріп отырған азамат жер телімі өз атында болмағандықтан кәсібін дөңгелетуге субсидия ала алмай, шаруаға жалданып жүреді. Енді қосалқы жалға да заң бойынша тыйым салынады. 2014-жылдан бері жерді бөлу, бақылаумен әкімдік қызметкерлері айналысып келсе енді бұл құзырет ауылшаруашылығы министрлігінің қызметкерлерінде болады. Мәжіліс төрағасы Нұрлан Нығматулин біздегі әкім-қаралар жер телімдерінің мақсатын қалауынша өзгертіп, әбден "майшелпекке" айналдырып алған дейді.
НҰРЛАН НЫҒМАТУЛИН, ҚР Парламенті Мәжілісінің төрағасы:
– Выделенные земли годами обрабатывались. Кто хочет и как хочет меняет целевое назначение. Қолдарында болғаннан кейін! Пастбище тоже самое!
АЙБАР ТӨЛЖАНҰЛЫ, Тілші:
– Талай жыл дау болған жерді қазақстандықтарға сату-сатпау мәселесі осылайша жабылды. Мәжіліс бірінші оқылымда мақұлдаған нормалар әзірге заңдық күшіне енген жоқ. Екінші оқылымға дейін шенеуніктер Жер кодексіне қажетті деген өзге де өзгерістерді дайындап келуі керек.
Айбар Төлжанұлы, Нұркен Тоқмурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жер_дауы #жеке_меншік #пай

Видео Жер қазақстандықтарға да сатылмайды! Мәжіліс депутаттары заң жобасын мақұлдады канала Информбюро 31