Тендердегі былықтар

Алматы облыстық білім басқармасы алдағы оқу жылында мектептерді компьютермен жабдықтау мақсатында 200 миллион теңгеден астам қаржыға тендер өткізген. Мемлекеттік сатып алуда бір компьютердің құны 205 мың теңге деп көсертілсе, тендерді ұтқан компания бір компьютер үшін 203 500 теңгеге ұсынған. Ал алынатын компьютерлерге қойылған техникалық ерекшеліктер тым ескі дейді арнамызға шағымданған көрермен.
Дәл осы мәселені көтерген азамат өзінің аты жөні мен түрін көрсеткісі келмеді. Оның жеткізуінше Алматы облыстық білім басқармасы жариялаған тендерге 12 компания қатысқан. Мектепке алынуы тиіс компьютерлерге қойылатын талаптар тым төмен дейді ол.
Сұхбат берушінің айтқанын тексермек болып айти мамандардың пікірін сұрап көрдік. Олар да техникалық талаптың бағасы мен сапасы сай еместігін айтып отыр.
АНДРЕЙ СЕДЕРИН, IT маманы:
– Кейбір көрсеткіштер бойынша бұл жеке компьютердің түрі қазіргі күні ескі болып саналады. Мәселен жедел жадының өзі 2021 жыл үшін бір саты төмен. Дәл осы ақшаға бүгінде әлдеқайда тиімді құрылғы алуға болады.
Ал Алматы облыстық білім басқармасындағылар конкурсқа қатысушы өзге тұлғаның арыз шағымынан кейін байқаудың уақытша тоқтатылғанын жеткізді.
МЕДЕТ БИМУРАТОВ, Облыстық білім басқармасы күрделі жөндеу және мемлекеттік сатып алу бөлімі басшысы міндетін атқарушы:
– Нәтижесінде Алматы облысы бойынша ішкі мемлекеттік аудит департаменті тарапынан конкурстың қорытындысы қайтара қаралып кемшіліктерді жою туралы облыстық білім басқармасына хабарлама берді.
Ал департаменттің осы хабарламасынан соң жеңімпаз қайта анықталатын болды. Естеріңізге сала кетсек Алматы облысы білім басқармасының басшысы Майгүл Омарова биылғы жылдың басында бірнеше сыбайластарымен 37 650 000 пара алды деген күдікке іліккен еді.
Ерқанат Көпжасар, Сергей Щуйский
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#БілімБасқармасы #тендер #былық

Видео Тендердегі былықтар канала Информбюро 31