Сүйікті итін зиратқа апарып, арулап жерлеген тұрғынның басы дауға қалды

Қазақстанда адамдарды жерлейтін жер таппай Нұр-Сұлтан мен Алматыда әрқайсысының құны бір жарым миллиард теңгеден асатын крематорий салу жоспарланып жатқанда, өзгелер ит-мысықтарын рұқсат етілмеген жерге көміп қана қоймай, оған арнайы қоршау жасатып суретін де қойып жатыр. Ақмола облысының Ерейментау ауданының тұрғыны қалаға жақын маңда ешкімге ескертпестен Гретта атты итін арулап жерлеген. Мұны көрген аймақ тұрғындары ауылдастарының заңсыз әрекетін ұялы телефонға түсіріп, әлеуметтік желіге жүктеген.
Ерейментау әкімдігі жерлестерінің заңсыз әрекеті туралы кеше естіген. Иттің басына барған әкім жерге рұқсат алған ешкім жоқ дейді.
САПАР БАРЛЫБАЕВ, Ақмола облысы Ерейментау ауданының әкімі:
– Ешкімнен ешқандай рұқсат қағаз алған жоқ. Жалған информация кетіп жатыр зираттың басына қойды деп. Өзім жаңа шықтым жанына. Жолдың ар жағында зираттан алыста тұр. Учаскелік полициямен таптық жерлеген адамды. Штраф саламыз, сосын алып тастайды итті.
Ерейментауда бір ғана ит жерленіп шу шығып жатқанда, Павлодар облысына қарасты Екібастұз қаласында өлген жануарларға арналған арнайы қорым бар екен. Жергілікті әкімдіктің айтуынша, қала сыртында ит пен мысығын жерлеуге ешкім рұқсат алмаған. Тіпті, жануарларды бұлай көму санитарлық талаптарға да сай келмейді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жануарлар_қорымы #итті_жерлеу #зират

Видео Сүйікті итін зиратқа апарып, арулап жерлеген тұрғынның басы дауға қалды канала Информбюро 31