விமானத்தில் எடுத்துசெல்ல தடை விதிக்கப்பட்ட பொருட்கள் கண்ணாடி பெட்டியில் பயணிகள் பார்வைக்காக வைப்பு

திருச்சி - 26.04.26
*விமானத்தில் எடுத்து செல்ல தடை விதிக்கப்பட்ட பொருட்களை கண்ணாடி பெட்டியில் பயணிகள் பார்வைக்காக வைத்த விமான நிலைய ஆணையம்*
விமானத்தில் பயணிப்போர் எண்ணிக்கை தற்போது அதிகரித்து வருகிறது, இருப்பினும் விமானத்தில் எதை எடுத்துச் செல்லலாம் எதை எடுத்துச் செல்லக்கூடாது என்ற விதிகள் பயணிகள் சிலருக்கு தெரிவதில்லை, இதனால் விமான நிலைய பாதுகாப்பு சோதனைகளில் சிக்கி பயணத்தை ரத்து செய்யும் சூழ்நிலை ஏற்படுகிறது. அவசர மற்றும் பணி காரணமாக செல்லும் பயணிகளுக்கு இது போன்ற சிக்கல்கள் பெரிதும் பாதிப்பை ஏற்படுத்துகின்றன. இதையடுத்து அனைத்து சர்வதேச விமான நிலையங்களிலும் பயணிகள் மத்தியில் விழிப்புணர்வை ஏற்படுத்தும் வகையில் விமானங்களில் கைப்பையில் எடுத்துச் செல்ல கூடாத பொருட்கள் எவை என்பது குறித்து அந்த பொருட்களை கண்ணாடி அறையில் வைக்க உத்தரவிட்டது.
இந்த உத்தரவை அடுத்து திருச்சி விமான நிலைய புதிய முனைய நுழைவு வாயில் பகுதியில் விமானத்தில் செல்லும்போது கைப்பையில் கொண்டு செல்ல கூடாத பொருட்கள் எவை என்பது காட்சிப்படுத்தப்பட்டுள்ளது.

திருச்சி விமான நிலைய நிர்வாகத்தின் இந்த முயற்சிக்கு பயணிகள் மத்தியில் வரவேற்பு கிடைத்துள்ளது. அந்த காட்சியகத்தில் துப்பாக்கி, கத்திகள், கத்திரிக்கோல், பிளேடு, 100 மில்லிக்கு மேல் உள்ள திரவங்கள், லைட்டர், தீப்பெட்டி, 160 வாட் ஹவருக்கு மேல் உள்ள பவர் பேங்க், டூல்ஸ் மற்றும் உபகரணங்கள், கிரிக்கெட் பேட்கள், ஹாக்கி ஸ்டிக், டென்னிஸ் பேட், ஸ்கிப்பிங் கயிறு, எலக்ட்ரானிக் சிகரெட்டுகள், மசாலா பொருட்கள், ஸ்பிரேக்கள் வைக்கப்பட்டுள்ளன.
இந்த பொருட்கள் செக்இன் லக்கேஜில் கொண்டு செல்ல அனுமதிக்கப்படுகின்றன. ஆனால் எளிதில் தீப்பற்றக்கூடிய பொருட்கள் அனுமதிக்கப்படுவதில்லை. கடந்த ஓராண்டில் மட்டும் திருச்சி விமான நிலையத்தில் தடை செய்யப்பட்ட பொருட்களை கைப்பையில் எடுத்துச் செல்ல முயன்ற வகையில் ஏறக்குறைய 20-க்கும் மேற்பட்டோர் சிக்கி தங்கள் பயணத்தை ரத்து செய்திருப்பதாக விமான நிலைய வட்டாரங்கள் தெரிவிக்கின்றன. எனினும் விமான நிலைய நிர்வாகத்தின் இந்த முயற்சிக்கு பயணிகள் பெரும் ஆதரவு தெரிவித்துள்ளனர். #trichymalar24x7 #trichynews #trichylocalnews #news

Видео விமானத்தில் எடுத்துசெல்ல தடை விதிக்கப்பட்ட பொருட்கள் கண்ணாடி பெட்டியில் பயணிகள் பார்வைக்காக வைப்பு канала trichy malar24x7