Көзге көрінбейтін соғыс алаңында жүрген ақ халаттылардың еңбегі ақталды ма?

Бүгінгі дерек бойынша елімізде ковид жұқтырғандардың саны 133 887-ге жетті. Жаман індет 1990 адамның өмірін қиды. Одан өзге түрлі себеппен есебі бөлек жүргізілген ковидке ұқсас пневмониямен ауырғандар саны 42 455-ке жетіп, 446 адам қайтыс болған. Ковидтен қайтыс болған адамдардың саны бойынша алғашқы үштікте тұрған Қарағанды облысына әр данасы 68 мың теңге тұратын қымбат бағалы маска да көмектеспеген сыңайлы. Күні кеше менің қарағандылық әріптесім Диана Сапарқызы дәл осы өңірде конференция, семинар, форумдар мен мерекелік іс-шаралар ұйымдастырылуы үшін 49 миллион теңгеге жуық тендер ойнатылғанын анықтады. Әлі күнге еске алуға қорқатын шілде айындағы мәйітханалар алдындағы кезек, елдің дәрі таппай сенделгені, ауруханаларда жақындарына оттекті құрылғы іздеп шарқ ұрған жұрттың үрейленген кейпі - көптің есінен әлі кете қойған жоқ шығар. Мерекелік шара түгілі, бір күн бұрын түнде ауруханаға түскен туыстарының денесін - таңертең мәйітхана алдында күткен елді жұбатарға сөз таппаған едік ол кезде. Ал, сол көзге көрінбейтін соғыс алаңында жүрген ақ халаттылардың еңбегі ақталды ма? Ақталса, әлі күнге неге үстемақысын ала алмай жүр? «Сөздің шыны керекте» бүгін осы тақырып сөз болады.
#cөздің_шыны_керек #Ирина_Советжанқызы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Көзге көрінбейтін соғыс алаңында жүрген ақ халаттылардың еңбегі ақталды ма? канала Информбюро 31