Інэса Леаданская - Хрыстос васкрос (2006)

Словы Янкі Купалы
Музыка Інэсы Леаданскай
Аранжыроўка Яўгена Шчарбакова і Юрыя Вальмуса
http://kupala-library.iatp.by/bel_lit/authors/kupala/276-b.pdf

Хрыстос васкрос!... Усюды радасць,
Усё глядзіць смялей, святлей;
Вялікі Мучанік, здаецца,
Абняў ўсіх ласкаю сваей.

Хрыстос васкрос!... Неугамонна
Плыве па нівах, пушчах клік,
Плыве адна святая думка
З канца ў канец, як свет вялік.

Хрыстос васкрос! - пяе сялянін
З сваёй убогаю раднёй,
Забыўшы песні аб прадвесні,
Забыўшы ўсё усёй душой.

Хрыстос васкрос!... пяе сіротка,
Слуга, таптаная людзьмі!
Пяе ў чужыне падарожны,
Забыты бліжнімі сваймі.

Хрыстос васкрос!... пяюць і тыя,
Хрыста згубіўшыя сыны,
Што ў ціхамоўку ладзяць сеткі
Для нашай беднай стараны.

Хрыстос васкрос!... К Табе, о Божа,
І я ў дзень гэты просьбу шлю:
Хай Беларусь, мая старонка,
Ускрэсне к вольнаму жыццю!

1911

Видео Інэса Леаданская - Хрыстос васкрос (2006) канала secondbelarus